उमरगा । साक्षीदार न्युज । चिरेवाडी येथील जिल्हा परिषद प्राथमिक शाळेत प्रजासत्ताक दिनाचे औचित्य साधून विविध कार्यक्रमाचे आयोजन करण्यात आले होते. याप्रसंगी या कार्यक्रमाचे अध्यक्ष शकुंतलाबाई वाघमोडे प्रमुख पाहुणे गुगळगाव केंद्राचे केंद्रप्रमुख पांचाळ तसेच उमरगा पोलीस स्टेशनचे सहाय्यक फौजदार सूर्यवंशी व पो कॉ. हारून सय्यद ग्रुप ग्रामपंचायत भगतवाडी चे सरपंच लंजेरीताई या कार्यक्रमास उपस्थित होत्या . सकाळी साडेआठ वाजता राष्ट्रीय ध्वजाचा ध्वजारोहण सोहळा शाळेचे मुख्याध्यापक आर टी सूर्यवंशी यांच्या हस्ते संपन्न झाला. त्याचबरोबर साडे नऊ वा. वार्षिक स्नेहसंमेलनाचे उपस्थितांच्या हस्ते उद्घाटन करण्यात आले. याप्रसंगी शाळेतील विद्यार्थ्यां स्नेहसंमेलनामध्ये सहभागी झाले होते.
यावेळी संविधानाचे वाचन करण्यात आले व क्रीडा स्पर्धेतील विद्यार्थ्यांना बक्षीस वितरण करण्यात आले.प्रजासत्ताक दिनानिमित्त कार्यक्रमाचे प्रास्ताविक श्रीमती सोनवणे यांनी केले. श्री पांचाळ व मुख्याध्यापक आर टी सूर्यवंशी व विद्यार्थ्यांनी यांनी मनोगत व्यक्त केले व मुख्याध्यापक सूर्यवंशी यांनी उपस्थितांचे आभार मानले. कार्यक्रमासाठी विद्यार्थी, प्रतिष्ठित नागरिक आदी ग्रामस्थ उपस्थित होते.
