A Gambling Den Near Seat Of Education साक्षीदार न्युज | जळगाव कवयित्री बहिणाबाई चौधरी उत्तर महाराष्ट्र विद्यापीठाच्या अगदी बाजूला, बांभोरी-पाळधीच्या हद्दीत एका मोठ्या जुगार अड्ड्याने आपले पाय रोवले आहेत. शैक्षणिक संस्थांच्या मुख्य रस्त्यावर खुलेआम सुरू असलेल्या या अवैध धंद्याकडे स्थानिक पोलीस आणि वरिष्ठ अधिकाऱ्यांनी सोयीस्कररित्या दुर्लक्ष केले आहे. धक्कादायक बाब म्हणजे, एका मोठ्या राजकीय नेत्याच्या आशीर्वादाने हे सर्व बिनबोभाट सुरू असल्याच्या चर्चांनी जोर धरला आहे.
शिक्षण केंद्राजवळ अवैध धंद्यांचा विळखा
जळगाव शहरातील बांभोरी-पाळधी परिसर हा शैक्षणिकदृष्ट्या अत्यंत महत्त्वाचा मानला जातो. येथे कवयित्री बहिणाबाई चौधरी उत्तर महाराष्ट्र विद्यापीठासह अनेक नामांकित महाविद्यालये आणि शैक्षणिक संस्था आहेत. मात्र, या परिसरातच मुख्य रस्त्यालगत जुगार अड्डा जोमाने चालत असल्याने विद्यार्थ्यांचे भवितव्य धोक्यात येत आहे. स्थानिक नागरिक आणि विद्यार्थ्यांनी येथील जुगारी आणि मद्यपी व्यक्तींकडून होणाऱ्या त्रासाबद्दल तक्रारी केल्या आहेत. रात्रीच्या वेळी या परिसरात होणारी गर्दी आणि गोंधळ यामुळे विद्यार्थ्यांमध्ये भीतीचे वातावरण आहे.
पोलिसांचे दुर्लक्ष, राजकीय हस्तक्षेपाचा संशय
या जुगार अड्ड्याविरुद्ध स्थानिक पोलिसांना अनेकदा तक्रारी प्राप्त झाल्या असूनही ठोस कारवाईचा अभाव दिसून येत आहे. सूत्रांनुसार, हा अड्डा एका मोठ्या राजकीय नेत्याच्या आशिर्वादाने चालत असल्याने पोलिसांवर कारवाई न करण्यासाठी दबाव आहे. स्थानिक नागरिकांनी नाव न सांगण्याच्या अटीवर सांगितले की, “पोलिसांना सर्व माहिती आहे, पण राजकीय दबाव असल्याने ते हातावर हात ठेवून बसले आहेत.” यामुळे पोलिसांच्या कार्यक्षमतेवर आणि निष्पक्षपणावर प्रश्नचिन्ह उपस्थित होत आहे.
समाजावर आणि विद्यार्थ्यांवर होणारा परिणाम
शिक्षणाच्या माहेरघरात अशा अवैध धंद्यांना मोकळीक मिळणे हे समाजासाठी अत्यंत धोकादायक आहे. विद्यार्थ्यांना शिक्षण घेताना सुरक्षित वातावरणाची आवश्यकता असते, परंतु जुगार अड्ड्यामुळे निर्माण होणारे असामाजिक वातावरण त्यांच्या मानसिक आणि शारीरिक सुरक्षेला धोका निर्माण करत आहे. विद्यार्थ्यांमध्ये असुरक्षिततेची भावना वाढत आहे, तसेच समाजात चुकीचा संदेश जात आहे.
जळगाव ग्रंथालय पुस्तक खरेदी घोटाळा ? : चौकशी समितीच्या भेटी सुरू : आज शहरात होणार तपासणी
बँकेत कोट्यवधींचा अपहार, गोर-गरीबांची फसवणूक; आर्थिक गुन्हे शाखेकडून तपास सुरू
शिरपूर मर्चंट बँक घोटाळा: १३ कोटींची फसवणूक, ४९ जणांवर गुन्हा – तुमचे पैसे सुरक्षित आहेत का ?
msrlm umed अनिल बडगुजर यांची आत्महत्या । भाग २
A Gambling Den Near Seat Of Education
