रात्रीच्या सुमारास भरधाव कंटेनरच्या धडकेत तरुण ठार !

साक्षीदार | १४ नोव्हेबर २०२३ | जळगाव जिल्ह्यात दिवाळीची धामधूम सुरु असतांना अपघाताच्या देखील घटना सातत्याने घडत आहे अशीच एक घटना चाळीसगाव तालुक्यातील वाघळी येथे रात्रीच्या सुमारास घडली आहे. भरधाव कंटेनरच्या जबर धडकेत एक तरूण जागीच ठार झाल्याची दुर्देवी घटना घडली आहे.

मिळालेल्या माहितीनुसार, जळगाव – चाळीसगाव महामार्गावरील वाघळी गावाजवळ रात्री अंदाजे ९:३० वाजेच्या सुमारास येथील रोहिदास शंकर दांडगे (धनगर, वय-३९) यांना भरधाव कंटेनरने (क्र. डी.डी. ०१ एच ९४८४) जबर धडक दिली. यातच त्यांचा दुर्देवी मृत्यू झाला आहे. या घटनेने परिसरात खळबळ उडाली आहे. सदर घटना घडताच स्थानिक नागरिकांसह पोलिसांनी घटनास्थळी धाव घेऊन पाहणी केली. मयत रोहिदास शंकर लांडगे (धनगर) यांच्या पश्चात्य सहा वर्षाचा लहान मुलगा, मुलगी, पत्नी असा परिवार आहे.