साक्षीदार | ६ नोव्हेबर २०२३ | जळगाव जिल्ह्याचे दिग्गज नेते राष्ट्रवादी कॉंग्रेस पक्षाचे आ.एकनाथ खडसे यांना दि.५ रोजी रविवारी दुपारी अचानक छातीत वेदना होत असल्याने त्यांना खाजगी रुग्णालयात दाखल करण्यात आले होते. त्यानंतर डॉक्टरांच्या सुचनेनुसार त्यांना पुढील उपचारासाठी रात्री उशिरा मुंबई येथील रुग्णालयात दाखल करण्यात आले होते.
जळगावातील एका खासगी रुग्णालयात दाखल झाले होते. मुख्यमंत्री एकनाथ शिंदे यांना माहिती मिळाल्यानंतर त्यांनी खडसेंसाठी तातडीने एअर ॲम्ब्युलन्स उपलब्ध करून दिली. त्यामुळे खडसेंना उपचारासाठी मुंबईत हलवण्यात आले आहे. मात्र, आता त्यांची प्रकृती बरी असल्याची माहिती त्यांच्यावर उपचार करणाऱ्या डॉक्टरांनी दिली आहे. दरम्यान राष्ट्रवादी काँग्रेसचे अध्यक्ष खासदार शरद पवार व सुप्रिया सुळे यांनी रुग्णालयात जात एकनाथ खडसे यांच्या प्रकृतीची चौकशी केली.
