ACB Labor Inspector जळगाव (साक्षीदार न्युज) : – सहकामगार आयुक्त कार्यालयात मधील एका कामगार निरीक्षकाने मुकादम पदावरून दिलेली स्थगिती उठविण्यासाठी व त्यासंदर्भातील सहायक कामगार आयुक्त यांच्याकडे असलेल्या सुनावणीचा निकाल आपल्या बाजूने लावून देण्यासाठी तक्रारदाराकडे ५० हजार रुपयांची मागणी करण्यात आली होती .तडजोडीअंती ३६ हजार रुपये रंगेहात स्वीकारताना जळगाव येथील लाचलुचपत प्रतिबंधक विभागाच्या पथकाने रंगेहाथ निरीक्षकाला पकडले आहे.
अटक कारण्यात आलेल्या कामगार निरीक्षकांचे नाव चंद्रकांत पंडितराव पाटील (वय ५७, रा. वाघ नगर, जळगाव) असून तक्रादार हे दोघेही मित्र असल्याचे समजते . ५१ वर्षीय तक्रारदार हे माथाडी कामगार संघटनाचे उपाध्यक्ष व मुकादम मुकादम होते. त्यांना मुकादम पदावरून काही स्थगिती देण्यात आली होती. त्याबाबत सहायक कामगार आयुक्त यांच्याकडे सुनावणी देखील सुरु होती . सुनावणीचा निकाल मी सहायक कामगार आयुक्त यांच्याकडून निकाल तुमच्या बाजूने लावून देतो त्यासाठी मला ५० हजार रुपये मागणी करण्यात आली होती . या संबंधित प्रकाराबाबत तक्रारदार यांनी लाचलुचपत प्रतिबंधक विभाग, जळगाव यांच्याकडे दि. ५ ऑगस्ट रोजी तक्रार दिली होती.
सदर तक्रारीची लाच मागणीची पडताळणी केली असता चंद्रकांत पाटील यांनी पंचासमक्ष तडजोडअंती ३६ हजार रुपये स्वतः स्विकारतांना त्यांना रंगेहाथ पकडण्यात आले आहे. त्यांचे वर जिल्हापेठ पोलीस स्टेशन, जळगांव येथे गुन्हा दाखल करण्यात येत आहे. सदर कारवाई हि पर्यवेक्षक अधिकारी पोलिस उप अधीक्षक सुहास देशमुख, तपास अधिकारी पोलीस निरीक्षक अमोल वालझाडे, पो.नि.एन.एन.जाधव,पीएसआय दिनेशसिंग पाटील,पो.हे.कॉ. सुरेश पाटील,पो.हे.कॉ.रविंद्र घुगे,म.पो.हे.कॉ.शैला धनगर, पो.ना.बाळू मराठे,पो.कॉ.प्रणेश ठाकूर, पोना.किशोर महाजन,पो.ना. सुनिल वानखेडे,पो.कॉ.प्रदीप पोळ,पो.कॉ.राकेश दुसाने, पो.कॉ.अमोल सुर्यवंशी,पो.कॉ. सचिन चाटे यांनी कारवाई केली.
