ऐनपूर (साक्षीदार न्युज); – येथील सरदार वल्लभभाई पटेल कला व विज्ञान महाविद्यालयातील विद्यार्थी विकास विभागामार्फत युवती सभेचे उद्घाटन मा प्राचार्य डॉ जे बी अंजने यांच्या हस्ते करण्यात आले.
या कार्यक्रमात मा प्राचार्य यांनी युवती सभा व त्यांचे महत्त्व समजावून सांगितले व विद्यार्थ्यांनीच्या सर्वांगीण विकासासाठी युवती सभा मार्फत विविध कार्यक्रमाचे जसे व्यक्तीमत्व विकास, काठी प्रशिक्षण, स्काऊट गाईड प्रशिक्षण, स्वयंसिद्धा अभियान, अभ्यास सहल आयोजन करण्यात येईल असे आश्वासन दिले . विद्यापीठ नामविस्तार दिनानिमित्त कवयित्री बहिणाबाई चौधरी यांच्या गाण्यांचे महत्त्व प्रा डॉ रेखा पाटील यांनी सांगितले. अनुराधा पाटील या विद्यार्थ्यिनीने बहिणाबाई चौधरींच्या गाण्यांचा जीवनाविषयी चा आशय स्पष्ट करून सांगितला.सुत्रसंचालन विद्यार्थी विकास अधिकारी प्रा हेमंत बाविस्कर यांनी केले या कार्यक्रमाच्या यशस्वितेसाठी महिला कार्यक्रम अधिकारी प्रा ॠतुजा पाटील, उपप्राचार्य डॉ एस एन वैष्णव, प्रा डॉ रेखा पाटील, डॉ निता वाणी, प्रा काजल महाजन, प्रा संजना पाटील यांनी सहकार्य केले. तर कार्यक्रमाचे आभार प्रदर्शन डॉ नरेंद्र मुळे यांनी केले. या कार्यक्रमात प्रा अक्षय महाजन, प्रा प्रदीप तायडे, प्रा अंकुर पाटील, डॉ पी आर गवळी डॉ महेन्द्र सोनवणे, डॉ रामटेके प्रा उमरीवाड उपस्थित होते.
