कुत्र्याच्या हल्ल्यात आठ वर्षीय मुलाचा दुर्देवी मृत्यू !

साक्षीदार | २३ ऑक्टोबर २०२३ | राज्यातील अनेक शहरात भटक्या कुत्र्यांच्या हल्ल्यात अनेक बालकासह वयोवृद्ध जखमी होत असल्याच्या घटना ताजी असतांना परभणीत काळीज पिळवटून टाकणारी घटना उघडकीस आली आहे. परभणीमध्ये भटक्या कुत्र्यांची मोठी दहशत पसरली असतांना या कुत्र्यांच्या हल्ल्यात एका आठ वर्षाच्या लहान मुलाचा मृत्यू झाला आहे.

मिळालेल्या अधिक माहितीनुसार, परभणी शहरातील धाररोडवर जवळील घराच्या परिसरात बाहेर एकटा खेळत असतांना कुत्र्यांनी त्याच्यावर जीवघेणा हल्ला केला. नांदेडच्या एका रुग्णालयात मुलावर उपचार सुरू होते. मात्र कुत्र्यांनी विचित्र पद्धतीने चावा घेतल्याने सर्व उपचार अपयशी ठरलेत. उपचारा दरम्यान त्या लहान मुलाचा दुर्दैवी मृत्यू झाला आहे. आरबाज असं मुलाचं नाव आहे.