बोरावल-टाकरखेडा रस्त्यावर दुचाकीच्या धडकेत प्रौढ जखमी

यावलः – तालुक्यातील शेळगाव मार्गे जळगाव जाणाऱ्या रस्त्यावरील बोरावल गावाजवळ वळणावर एका दुचाकीला अज्ञात दुचाकी चालकाने धडक दिल्याने ५२ वर्षीय जखमी झाले आहे. या अपघात प्रकरण यावल पोलीस ठाण्यात अज्ञात दुचाकी चालकाविरुद्ध तक्रार देण्यात आली आहे.

यावल शहरातून बोरावल टाकरखेडा, शेळगाव मार्गे जळगाव जाणारा रस्ता आहे. या रस्त्यावरून दिनांक २३ एप्रिल मंगळवार रोजी सुधाकर नारायण चौधरी (वय ५२) रा. चुंचाळे ता.यावले हे दुचाकी क्रमांक एम. एच. १९ ए.व्ही. ९६७४ द्वारे जळगाव कडून यावल कडे येत होते. दरम्यान बोरावल ते टाकरखेडा रस्त्यावर बोरावल शिवारात वळणावर त्यांच्यासमोर अचानक भरधाव वेगात एक अज्ञात दुचाकी स्वार आला व त्याने चौधरी यांच्या दुचाकीच्या डिक्कीला आणि सायलेन्सर ला धडक दिली. या अपघातात सुधाकर चौधरी गंभीर जखमी झाले आहे.