Ayushman Bharat Free Health Insurance | तुम्ही आयुष्मान कार्डसाठी पात्र आहात का ? 5 लाखांपर्यंत मोफत उपचार, जाणून घ्या कोणाला मिळतो लाभ! 2025

तुम्ही अमेझॉनवरन काही शोधताय का ?

यावर कराल क्लिक

Ayushman Bharat Free Health Insurance साक्षीदार न्युज । 15 एप्रिल 2025। वाढत्या महागाईच्या काळात आरोग्य विमा प्रत्येकासाठी गरजेचा झाला आहे, पण तो सर्वसामान्यांच्या आवाक्याबाहेर आहे. याच पार्श्वभूमीवर, केंद्र सरकारने 2018 मध्ये आयुष्मान भारत-प्रधानमंत्री जन आरोग्य योजना (PM-JAY) सुरू केली, जी जगातील सर्वात मोठ्या सरकारी आरोग्य विमा योजनांपैकी एक आहे. या योजनेअंतर्गत पात्र व्यक्तींना 5 लाख रुपयांपर्यंत मोफत वैद्यकीय उपचार मिळतात. पण, तुम्हाला माहिती आहे का, कोण या योजनेचा लाभ घेऊ शकतं?

- Advertisement -

70 वर्षांवरील ज्येष्ठांना विशेष लाभ
सप्टेंबर 2024 मध्ये सरकारने योजनेत मोठा बदल करत 70 वर्षांवरील सर्व ज्येष्ठ नागरिकांना, त्यांच्या उत्पन्नाची पर्वा न करता, आयुष्मान वय वंदन कार्डद्वारे योजनेत समाविष्ट केले. यामुळे लाखो वृद्धांना मोफत उपचाराची सुविधा उपलब्ध झाली आहे.

कोण आहे पात्र?
ही योजना प्रामुख्याने आर्थिकदृष्ट्या दुर्बल आणि वंचितांसाठी आहे. सामाजिक-आर्थिक आणि जात जनगणना (SECC-2011) मधील लाभार्थी कुटुंबे पात्र ठरतात. ग्रामीण भागातील कच्च्या घरात राहणारे, अनुसूचित जाती/जमाती, भूमिहीन कामगार, तसेच शहरी भागातील कचरा वेचणारे, घरकाम करणारे, बांधकाम मजूर आणि रस्त्यावरील विक्रेते यांना योजनेचा लाभ मिळतो. मात्र, आयकर भरणारे, ESIC लाभ घेणारे किंवा PF लागू असलेले कर्मचारी यासाठी पात्र नाहीत.

- Advertisement -

पात्रता कशी तपासाल?
आयुष्मान कार्ड बनवण्यासाठी तुम्ही https://pmjay.gov.in/ या अधिकृत वेबसाइटवर ‘Am I Eligible’ पर्यायावर क्लिक करून तुमची पात्रता तपासू शकता. आवश्यक माहिती भरल्यानंतर तुम्ही योजनेसाठी पात्र आहात की नाही हे कळेल. ही योजना गरजूंना दर्जेदार आरोग्य सेवा देण्यासाठी गेमचेंजर ठरत आहे.