साक्षीदार | २९ ऑक्टोबर २०२३ | जळगाव शहरातील एका कंपनीत अधिकारी असलेले ६४ वर्षीय व्यक्तीने कंपनीतून काढल्याचा राग आल्याने ते दुचाकीने घरी परतत असताना त्यांना प्रमोद नामदेव पाटील याने बांबूने मारहाण केली. या प्रकरणी नशिराबाद पोलिस ठाण्यात तरुणाविरुद्ध गुन्हा दाखल करण्यात आला आहे.
मिळालेल्या माहितीनुसार, शहरातील एका कंपनीत प्रमोद पाटील हा तरुण कामाला होता. त्या कंपनीतून काढून टाकण्यात आल्याने हा राग त्याच्या मनात होता. कंपनीतील अधिकारी यशवंत रामकृष्ण महाजन हे २६ ऑक्टोबर रोजी संध्याकाळी दचाकीने जळगाव येथे घरी परतत असताना नशिराबाद येथील उड्डाणपुलाजवळ प्रमोद हा बांबू घेऊन उभा होता. महाजन हे येत असल्याचे दिसताच त्याने चालू दुचाकीवर त्यांना बांबूने मारण्यास सुरुवात केली. तू मला कंपनीतून का काढले, तुला जिवंत सोडणार नाही, अशी धमकी दिली. या मारहाणीत महाजन यांच्या खांद्याला, पायाला दुखापत होऊन ते जखमी झाले. या प्रकरणी महाजन यांनी नशिराबाद पोलिस ठाण्यात फिर्याद दिली. त्यावरून तरुणाविरुद्ध गुन्हा दाखल करण्यात आला. पुढील तपास पोहेकॉ गजानन देशमुख करीत आहेत.
