Bhadgaon Nagar Parishad |गोरख माळी | महाराष्ट्र नगरपरिषदा, नगरपंचायती व औद्योगिक नगरी अधिनियम १९६५ तसेच विषय समिती निवडणूक नियम १९६६ मधील नियम क्रमांक ३ अन्वये भडगाव नगरपरिषदेची विशेष सभा मंगळवारी (दि. २० जानेवारी) नगरपरिषद सभागृहात संपन्न झाली. या सभेत नगरपरिषदेच्या विविध विषय समित्यांची अधिकृत स्थापना करण्यात आली.
सदर विशेष सभेचे अध्यक्षस्थान भडगावच्या तहसीलदार शीतल सोलाट यांनी भूषविले. यावेळी प्रभारी मुख्याधिकारी मंगेश देवरे उपस्थित होते. नियमाप्रमाणे राबविण्यात आलेल्या प्रक्रियेनंतर सर्व विषय समित्यांचे सभापती व सदस्यांची निवड बिनविरोध करण्यात आली.
स्थायी समितीवर लखीचंद प्रकाश पाटील यांची निवड करण्यात आली आहे. सार्वजनिक बांधकाम समितीच्या सभापतीपदी फकीर नगमाबी अलीमशाह यांची तर सदस्य म्हणून विजयकुमार रायभान भोसले, देवाजी आहीरे, युवराज पाटील, जितेंद्र पाटील यांची निवड झाली आहे.
शिक्षण समितीच्या सभापतीपदी अतुल परदेशी यांची निवड करण्यात आली असून सदस्य म्हणून देवाजी आहीरे, ज्योती पाटील, योगिता येवले आणि अमोल पाटील यांचा समावेश आहे.
आरोग्य समितीच्या सभापतीपदी इम्रानअली सैय्यद यांची निवड झाली असून खलील शेख, विजयकुमार भोसले, डॉ. प्रमोद पाटील आणि सचिन चोरडिया सदस्य म्हणून निवडले गेले आहेत.
पाणीपुरवठा समितीच्या सभापतीपदी राजेंद्र पाटील यांची निवड करण्यात आली आहे. या समितीत अनुजम बेग मिर्झा, वैशाली महाजन, करूणा देशमुख आणि अजनाबाई भिल्ल सदस्य आहेत.
नियोजन समितीच्या सभापतीपदी डॉ. विजयकुमार देशमुख यांची नियुक्ती झाली असून राहुल ठाकरे, योगिता येवले, रावसाहेब पाटील व अमोल पाटील सदस्य म्हणून कार्य पाहणार आहेत.
महिला व बालकल्याण समितीच्या सभापतीपदी समिक्षा लखीचंद पाटील यांची निवड करण्यात आली आहे. या समितीत कल्पनाबाई भोई, रजनाबाई वाघ, वैशाली पाटील, किरणताई पाटील आणि अजनाबाई भिल्ल सदस्य म्हणून सहभागी आहेत.
भडगाव नगरपरिषदेतील विषय समित्यांची निवड प्रक्रिया यशस्वीरीत्या पार पडली आहे. पुढील काळात शहराच्या सर्वांगीण विकासावर भर देत भडगावचा कायापालट घडवून आणण्याचा निर्धार करण्यात येईल. स्वच्छ, सुंदर आणि विकासाभिमुख भडगाव घडवण्यासाठी सर्वजण एकत्रितपणे काम करू, असे मत गटनेते व स्थायी समिती सदस्य लखीचंद पाटील यांनी व्यक्त केले.
उमेदवार,महिला,कार्यकर्ते यांयाच्यावर पोलिसांचा जोरदार लाठीमार
मतदान केंद्रावर पोलिस आणि उमेदवारासह कार्यकर्त्यांमध्ये जोरदार राढा
जळगांव मतदान केंद्रावर मतदाराचे ब्रेन वॉश ?
Bhadgaon Nagar Parishad
