Mahatma Phule Jayanti | भडगाव | सागर महाजन | येथे क्रांतीसूर्य Mahatma Jyotiba Phule यांच्या १९९ व्या जयंतीनिमित्त विविध कार्यक्रमांचे आयोजन करत उत्साहात जयंती साजरी करण्यात आली. ११ एप्रिल रोजी सकाळी महात्मा फुले चौक येथे माळी समाजबांधव व मान्यवरांच्या हस्ते महात्मा फुले यांच्या प्रतिमेचे पूजन करण्यात आले. यानंतर सायंकाळी सात वाजता सजवलेल्या ट्रॅक्टरवर भक्तिमय गीते वाजवत भव्य मिरवणुकीचे आयोजन करण्यात आले.

ही मिरवणूक महात्मा फुले चौक येथून सुरू होऊन मेन रोड, बालाजी गल्ली, जागृती चौक, शनी चौक, बाजार चौक आणि खोल गल्ली या मार्गाने पुन्हा महात्मा फुले चौकात येऊन संपन्न झाली. संपूर्ण मार्गावर नागरिकांनी मोठ्या उत्साहात सहभाग नोंदवत वातावरण दुमदुमून टाकले.
या मिरवणुकीत भडगाव नगरपालिकेचे गटनेते लखिचंद पाटील, नगरसेवक सचिन चोरडिया, नगरसेवक देवाजी अहिरे, एकलव्य संघटनेचे रविंद्र सोनवणे, संजय सोनवणे, हर्षल पाटील, निलेश मालपुरे, रवि अहिरे, विजय महाजन, ज्येष्ठ पत्रकार शिवदास महाजन, महात्मा फुले बहुद्देशीय संस्थेचे भिकन महाजन, साहेबराव महाजन, विनोद महाजन, जग्गू भोई, सुनील महाजन, अमोल महाजन, प्रदीप महाजन, गणेश महाजन, पत्रकार नितीन महाजन, देवराम (आबा) महाजन, पत्रकार सागर महाजन, पत्रकार चेतन महाजन, पत्रकार विजय महाजन, दीपक महाजन, मुकुंदा महाजन, विष्णू महाजन, दिनेश महाजन, छोटू महाजन, गोरख महाजन, विकास महाजन, अशोक महाजन, रमेश महाजन, संतोष महाजन, गोकुळ महाजन, रावसाहेब महाजन, बबलू महाजन, दत्तात्रय महाजन, अनिल महाजन यांच्यासह महात्मा फुले बहुद्देशीय सेवा मंडळ व माळी पंच मंडळाचे सर्व सदस्य आणि समाजबांधव मोठ्या संख्येने सहभागी झाले होते. कार्यक्रमाचे सूत्रसंचालन व आभार प्रदर्शन प्रविण महाजन सर यांनी केले.









