epik ekyc भडगाव | गोरख माळी | भडगाव तहसीलदार शितल सोलाट यांच्या मार्गदर्शनाखाली भडगाव तलाठी कार्यालयाच्या वतीने नागरिकांच्या सोयीसाठी विशेष महसूल कॅम्प मोहिम राबविण्यात येत आहे. या मोहिमेअंतर्गत शहरातील विविध भागांमध्ये कॅम्प आयोजित करून महसूल विभागाशी संबंधित महत्त्वाच्या सेवा नागरिकांना तात्काळ उपलब्ध करून दिल्या जात आहेत.
या कॅम्पमध्ये प्लॉटधारकांकडून बिनशेती सारा महसूल, तसेच शेतकऱ्यांकडून शेतीसारा महसूल भरण्याची सुविधा देण्यात येत आहे. यासोबतच ई-पीक पाहणी नोंदणीबाबत मार्गदर्शन, तसेच अनुदानासाठी आवश्यक e-KYC पूर्ण करण्याची प्रक्रिया कॅम्पच्या ठिकाणीच करून दिली जात आहे. त्यामुळे नागरिकांचा वेळ व श्रम वाचत असून, प्रलंबित कामे एका ठिकाणी पूर्ण होत आहेत.
या मोहिमेचे समन्वय व नियंत्रण ग्राम महसूल अधिकारी अविनाश जंजाळे, एम. जे. खाटीक, योगेश पाटील, मंडळ अधिकारी कुणाल कोळी, महसूल सेवक श्वेता जैस्वाल, विशाल सूर्यवंशी, तसेच रितेश माळी, विनोद पाटील आणि राहुल नरवाडे यांच्या पथकाकडून करण्यात येत आहे.
भडगाव शहरातील विविध परिसरांत हे कॅम्प सुरू असून, मोठ्या संख्येने नागरिक सहभागी होत आपल्या थकित महसूल भरणा व अन्य कामांची पूर्तता करत आहेत. तलाठी कार्यालयाकडून नागरिकांना या संधीचा लाभ घेऊन थकलेला महसूल त्वरित भरण्याचे आवाहन करण्यात आले आहे.
लाठीमार प्रकरणानंतर जळगाव पोलिस पुन्हा चर्चेत; डान्स बारमधील व्हिडिओ व्हायरल, अनेक प्रश्न अनुत्तरित
तहसील कार्यालयातूनच जप्त वाळूचा डंपर पळवला! भडगावात वाळू माफियांची थेट शासकीय यंत्रणेला चुनौती
‘अजितदादा परतणार?’ संजय राऊतांचा सकाळीच राजकीय बॉम्ब; महाविकास आघाडीत मोठी उलथापालथ होणार का?
उमेदवार,महिला,कार्यकर्ते यांयाच्यावर पोलिसांचा जोरदार लाठीमार
मतदान केंद्रावर पोलिस आणि उमेदवारासह कार्यकर्त्यांमध्ये जोरदार राढा
