साक्षीदार | १५ नोव्हेबर २०२३ | जम्मू काश्मीरच्या दोडा जिल्ह्यातील आसेर परिसरात बुधवारी बस दरीत कोसळून ३६ प्रवाशांचा मृत्यू झाल्याची धक्कादायक घटना उघडकीस आली आहे. त्यामुळे परिसरात मोठी हळहळ व्यक्त करण्यात येत आहे. 55 प्रवाशांना घेऊन जाणारी ही बस रोडवरुन घसरुन ही बस खोल दरीत कोसळल्याची माहिती जम्मूचे विभागीय आयुक्त रमेश कुमार यांनी दिली आहे.
जम्मू काश्मीरच्या दोडा जिल्ह्यात बुधवारी सकाळी बस दरीत कोसळून भीषण अपघात झाला. बाटोटे किश्तवाड राष्ट्रीय महामार्गावरुन बस ( क्रमांक JK02, CN 6555 ) ही तृंगाल आसार परिसरातून जात होती. यावेळी चालकाचं बसवरील नियंत्रण सुटल्यानं बस तीनशे फूट खोल दरीत कोसळल्याची माहिती सूत्रांनी दिली आहे. त्यामुळे या बसमधील 36 प्रवाशांचा मृत्यू झाल्याची माहिती सूत्रांनी दिली आहे. दोडा जिल्ह्यात झालेल्या बस अपघातात तब्बल 36 प्रवाशांचा मृत्यू झाला आहे. अपघाताची माहिती मिळताच घटनास्थळी प्रशासकीय अधिकाऱ्यांनी धाव घेतली. अपघातस्थळावर स्थानिक नागरिकांनी बचावकार्याला सुरुवात केली. मात्र खोल दरीत बस कोसळल्यानं बचावकार्यात अडथळे आले. तीनशे फूट खोल बस दरीत कोसळल्यानं बसमधील 36 प्रवाशांचा मृत्यू झाला असून आणखी जीवितहानी होण्याची भीती व्यक्त करण्यात येत आहे.
