Chopda Fake Htbt Cotton Seeds साक्षीदार न्युज । विश्वास वाढे चोपडा | जळगाव जिल्ह्यातील चोपडा तालुक्यातील चुंचाळे गावात जिल्हा आणि स्थानिक कृषी विभागाने संयुक्त कारवाई करत प्रतिबंधित एचटीबीटी कापूस बियाण्यांचा मोठा साठा जप्त केला आहे. या कारवाईत 17 लाख 82 हजार 200 रुपये किमतीच्या 1273 बियाणे पाकिटांचा समावेश आहे. याप्रकरणी संशयित नितीन नंदलाल चौधरी याच्यावर गुन्हा दाखल करण्यात आला असून, बनावट बियाणे विक्री करणाऱ्यांमध्ये खळबळ उडाली आहे.
गुप्त माहितीच्या आधारे ही कारवाई करण्यात आली. विभागीय कृषी सहसंचालक सुभाष काटकर, जिल्हा अधीक्षक कृषी अधिकारी कुर्बान तडवी, कृषी विकास अधिकारी पद्मनाभ म्हस्के यांच्या मार्गदर्शनाखाली पथकाने चुंचाळे-अकुलखेडा रोडवरील एका पत्र्याच्या शेडवर छापा टाकला. या पथकात जिल्हा गुणवत्ता नियंत्रण निरीक्षक विकास बोरसे, जिल्हा मोहीम अधिकारी विजय पवार, कृषी अधिकारी किरण पाटील तसेच पोलीस कर्मचारी विशाल पाटील, विद्या इंगळे, प्रकाश मथुरे आणि समा तडवी यांचा समावेश होता. पोलीस निरीक्षक मधुकर साळवे आणि कावेरी कमलाकर यांनीही कारवाईत सहभाग घेतला.
जप्त केलेले बियाणे हे कायदेशीररित्या प्रतिबंधित एचटीबीटी प्रकारचे असल्याचे आढळले. या प्रकरणी नितीन चौधरी याच्यावर बियाणे कायदा, अत्यावश्यक वस्तू अधिनियम, महाराष्ट्र कापूस बियाणे अधिनियम आणि पर्यावरण संरक्षण कायद्यांतर्गत गुन्हा नोंदवण्यात आला आहे. जिल्हा गुणवत्ता नियंत्रण निरीक्षक विकास बोरसे यांनी फिर्याद दाखल केली असून, पोलीस उपनिरीक्षक जितेंद्र वल्टे पुढील तपास करत आहेत.
कृषी विभागाने शेतकऱ्यांना सावधगिरीचा इशारा देताना म्हटले आहे की, अशा बोगस बियाणांपासून दूर राहावे आणि केवळ अधिकृत विक्रेत्यांकडूनच बियाणे खरेदी करावे. अशा कारवाया यापुढेही सुरू राहतील, असेही विभागाने स्पष्ट केले.
भारताची कडक भूमिका: अटारी तपासणी चौकी बंद, पाकिस्तानी व्हिसा रद्द, 48 तासांत देश सोडण्याचे आदेश
पहलगाम हल्ल्याचा राज ठाकरेंचा निषेध: केंद्राने कठोर कारवाई करावी, मनसे सरकारसोबत
धरणगावात बदला प्रकरणात तरुणाची गोळ्या झाडून हत्या, संशयित स्वतः पोलीस ठाण्यात हजर
स्पा सेंटरच्या नावाखाली अनैतिक व्यवसाय; नयनतारा मॉलवर पोलिसांचा छापा, ४ महिलांची सुटका
