BJP Ex-Municipal Servant Murder साक्षीदार न्युज ।१० फेब्रुवारी २०२४। चाळीसगाव भाजपचे माजी नगर सेवक महेंद्र मोरे यांच्यावर कारमधून आलेल्या अज्ञात पाच इसमांनी अंदाधुंद गोळीबार केल्याची धक्कदायक घटना चाळीसगावात बुधवार दि. ७ जानेवारी रोजी दुपारी पाच वाजेच्या सुमारास हनुमानवाडी येथे घडली होती. यात नगरसेवक महेंद्र मोरे हे गंभीर रित्या जखमी झाले होते . त्यांना उपचारार्थ नाशिक येथे हलविण्यात आले होते. शुक्रवारी रात्री उपचारादरम्यान रुग्णालयात महेंद्र मोरेंचा यांचा मृत्यू झाला आहे.
सविस्तर वृत्त असे कि , या गोळीबार प्रकरणात संशयीय म्हणून अजय संजय बैसाणे (वय ३१ वर्षे, धंदा मजुरी, रा. लक्ष्मी नगर, बसस्टॅन्डच्या पाठीमागे, चाळीसगाव) यांच्या फिर्यादीवरून १) उददेश उर्फ गुडडू शिंदे (रा. हिरापुर), २) सचिन गायकवाड (रा. चाळीसगाव), ३) अनिस शेख उर्फ नव्वा शरीफ शेख (रा.हुडको कॉलनी, चाळीसगाव), ४) सॅम चव्हाण (रा. हिरापुर), ५) भुपेश सोनवणे (रा. चाळीसगाव) ६) सुमित भोसले (रा. चाळीसगाव) ७) संतोष निकुंभ उर्फ संता पहेलवान (रा. हिरापुर) यांच्याविरुद्ध गु.रं.नं ५६/२०२४ भादवि कलम ३०७, १२० (व), १४३, १४४, १४७, १४८, १४९ सह शस्त्रअधिनियम ३/२५ प्रमाणे गुन्हा दाखल झालेला आहे . तसेच बैसाणे यांनी दिलेल्या फिर्यादी नुसार पहिल्या पाच संशयितांनी गोळीबार केला तर सुमित भोसले आणि संतोष निकुंभ हे देखील या कटात सहभागी होते, असेही फिर्यादीत नमूद होते. दरम्यान, मोरे यांचा उपचारादरम्यान मृत्यू झाल्यामुळे आता संशयित आरोपींविरुद्ध खुनाचे कलम वाढवले जाणार आहे. मोरेंचा मृत्यूची वार्ता चाळीसगावात समाजात तणावात भर पडली आहे. मोरे यांचा मृत्यू झाल्याची माहिती मिळतात आहे . मोरे यांच्यावर चाळीसगावात अंतिमसंस्कार होणार असल्याचे कळते. तसेच गोळीबार केल्यानंतर मारेकरी ज्या वाहनातून पसार झाले होते, ते वाहन पोलिसांच्या हाती लागले असून. लवकरच मारेकरी देखील गजाआड करणार अशी माहिती पोलिसांनी डेली आहे .
