कारण नसताना मुलीसह बाप लेकाला मारहाण !

साक्षीदार | १५ ऑक्टोबर २०२३

शहरातील कानळदा रोडवरील गजानन नगरात राहणाऱ्या कुटुंबाच्या घरावर दगडफेक करीत कुटुंबातील तीन जणांना मारहाण करून दुखापत करण्यात आली. ही घटना शुक्रवार, १३ ऑक्टोबर रोजी रात्री साडेदहा वाजेच्या सुमारास घडली. याप्रकरणी जळगाव शहर पोलिस ठाण्यात गुन्हा दाखल करण्यात आला आहे.

मिळालेल्या माहितीनुसार , जळगाव शहरातील कानळदा रोड परिसरातील गजानन नगर येथे अशोक किसन ठोसर (वय ५७) हे परिवारासह वास्तव्यास असून शुक्रवार, १३ ऑक्टोबर रोजी रात्री घराबाहेर आले. त्यावेळी त्यांच्या घराच्या मागे राहणाऱ्या चार जणांनी काहीही कारण नसताना ठोसर यांच्या घरासमोर येत मोठमोठ्याने आरडाओरड करून शिवीगाळ केली. तर अनोळखी १० ते १२ जणांनी त्यांच्या घरावर दगडफेक करून साहित्याचे नुकसान केले. याप्रकरणी शहर पोलिस ठाण्यात फिर्याद दिली.