चिलमने ओढत होता गांजा अन पोलिसांनी ठोकल्या बेड्या !

साक्षीदार | २९ ऑक्टोबर २०२३ | जळगाव शहरातील मेहरुण परिसरात गांजा सेवन करीत असताना आढळून आल्याने सैय्यद नदीम सैय्यद कासीम (वय ३७, रा. तांबापुरा) याच्याविरुद्ध एमआयडीसी पोलिस ठाण्यात गुन्हा दाखल करण्यात आला.

मिळालेल्या माहितीनुसार, शहरातील मेहरुण परिसरातील तांबापुरा खदानजवळ एक जण गांजा सेवन करीत असल्याची माहिती एमआयडीसी पोलिसांना शुक्रवारी दि. २७ ऑक्टोबर रोजी संध्याकाळी मिळाली. पोलिस कर्मचाऱ्यांनी तेथे जाऊन खात्री केली असता सैय्यद नदीम सैय्यद कासीम हा गांजा सेवन करीत असल्याचे आढळून आले. त्याच्याजवळून चिलम व इतर साहित्य जप्त करण्यात आले. या प्रकरणी पोकॉ किरण पाटील यांनी एमआयडीसी पोलिस ठाण्यात दिलेल्या फिर्यादीवरून सैय्यद नदीम विरुद्ध गुन्हा दाखल करण्यात आला. पुढील तपास पोहेकॉ गणेश शिरसाळे करीत आहेत.