साक्षीदार | ११ नोव्हेबर २०२३ | पुणे शहरानजीक असलेल्या सुसगाव, बावधन, पाषाण या प्रकल्पात एक कोटी आठ लाख ६७ हजार ३३९ रुपयांची गुंतवणूक करण्यास भाग पाडून फसवणूक केल्याप्रकरणी जळगावातील पाच जणा विरोधात पुण्यातील कोंढवा पोलिस ठाण्यात फसवणुकीचा गुन्हा दाखल झाला आहे.
मिळालेल्या माहितीनुसार, पुण्यातील विकास कामेश्वरसिंग कुमार (वय ४६) यांनी पोलिसात तक्रार दिली आहे. कुमार एका बँकेत मॅनेजर म्हणून नोकरीला आहेत. या बँकेत खाते सुरू करण्यासाठी तेजस रवींद्र मोरे (रा. जळगाव, ह.मु. पुणे) २०१७ मध्ये तेथे गेला असता दोघांची ओळख झाली. नंतर माझा बांधकाम व्यवसाय आहे, त्यात तुम्ही गुंतवणूक करा, असे सांगून विश्वास संपादन केला. त्यामुळे २०१७ ते १४ ऑक्टोबर २०१८ या कालावधीत एक कोटी आठ लाख ६७ हजार ३३९ गुंतवणूक केली. या प्रकरणी पुण्यातील कोंढवा पोलिस ठाण्यात तेजस रवींद्र मोरे (रा. जळगाव, ह.मु. पुणे) पत्नी जिज्ञासा मोरे, आई जयश्री, वडील रवींद्र व मेहुणे राहुल जैन अशा पाच जणांविरुद्ध गुन्हा दाखल करण्यात आला आहे.
