Defamation Notice | गिरीश महाजन यांचा पलटवार, एकनाथ खडसे आणि अनिल थत्तेंना अब्रूनुकसानीची नोटीस

तुम्ही अमेझॉनवरन काही शोधताय का ?

यावर कराल क्लिक

Defamation Notice साक्षीदार न्युज । महाराष्ट्राच्या राजकारणात पुन्हा एकदा खळबळ उडाली आहे. भाजपचे ज्येष्ठ नेते आणि मंत्री गिरीश महाजन ( Girish Mahajan )यांनी राष्ट्रवादी काँग्रेस (शरद पवार गट) नेते एकनाथ खडसे (Eknath Khadse) आणि पत्रकार अनिल थत्ते यांना अब्रूनुकसानीची नोटीस पाठवली आहे. एका महिला आयएएस अधिकाऱ्याशी संबंध असल्याचा आरोप खडसे आणि थत्ते (Anil Thatte) यांनी केल्यानंतर महाजन यांनी ही कायदेशीर कारवाई केली आहे.

महाजन यांनी सांगितले की, खडसे आणि थत्ते यांनी कोणतेही ठोस पुरावे न देता त्यांच्यावर खोटे आरोप केले, ज्यामुळे त्यांची सामाजिक प्रतिमा डागाळली गेली आहे. “हे प्रकरण आता न्यायालयात लढवले जाईल,” असे महाजन यांनी स्पष्ट केले. त्यांनी आपल्या वकिलांमार्फत ही नोटीस पाठवल्याचा दावा केला आहे. दुसरीकडे, एकनाथ खडसे यांनी अशी कोणतीही नोटीस आपल्याला मिळाली नसल्याचे सांगितले आहे.

या वादाची सुरुवात काही दिवसांपूर्वी झाली, जेव्हा अनिल थत्ते यांनी एका व्हायरल व्हिडिओद्वारे महाजन यांच्यावर महिला आयएएस अधिकाऱ्याशी संबंध असल्याचा दावा केला. खडसे यांनी या आरोपाला पाठिंबा देताना म्हटले होते की, केंद्रीय गृहमंत्री अमित शहा यांनी 2024 च्या विधानसभा निवडणुकीनंतर मंत्रिमंडळ विस्तारापूर्वी महाजन यांना यासंदर्भात विचारणा केली होती. खडसे यांनी असा दावाही केला की, शहा यांच्याकडे महाजन यांचे कॉल रेकॉर्ड्स असून, त्यात रात्री उशिरापर्यंत झालेल्या संभाषणांचा उल्लेख आहे.

महाजन यांनी हे सर्व आरोप फेटाळून लावले असून, खडसे आणि थत्ते यांना पुरावे सादर करण्याचे आव्हान दिले आहे. या प्रकरणाने जळगावसह राज्यभरातील राजकीय वर्तुळात चर्चेला उधाण आले आहे. खडसे आणि महाजन यांच्यातील वैर जुने असून, यापूर्वीही त्यांच्यात अनेकदा शाब्दिक चकमकी झाल्या आहेत.

या नोटीसमुळे आता हे प्रकरण कायदेशीर वळण घेण्याची शक्यता आहे. राजकीय विश्लेषकांच्या मते, याचा परिणाम स्थानिक पातळीवरील राजकारणावर होऊ शकतो.

आईनेच स्वत:च्याच मुलीचा अश्लील व्हिडिओ काढून प्रियकराला पाठवला

Defamation Notice