Govinda Health | साक्षीदार न्यूज | बॉलिवूडमधून (Bollywood) अजून एक धक्कादायक बातमी समोर आली आहे. प्रसिद्ध अभिनेता गोविंदा यांची प्रकृती अचानक बिघडल्याने त्यांना तडकाफडकी रुग्णालयात दाखल करण्यात आले आहे. काल रात्री, मंगळवारी (११ नोव्हेंबर) रात्री ८ वाजण्याच्या सुमारास ६१ वर्षीय गोविंदा यांची तब्येत अचानक बिघडली.
मीडिया रिपोर्ट्सनुसार, ‘Disorientation’ (भ्रमित होण्याची अवस्था) मुळे त्यांची तब्येत बिघडली. सुरुवातीला डॉक्टरांच्या सल्ल्यानुसार त्यांना औषधे देण्यात आली, मात्र पहाटे १ च्या सुमारास त्यांना मुंबईतील जुहू परिसरातील क्रिटिकल केअर हॉस्पिटलमध्ये दाखल करण्यात आले.
माहितीनुसार, गोविंदा बेशुद्ध पडल्यानंतर त्यांना तातडीने रुग्णालयात हलवण्यात आले. सध्या त्यांच्यावर उपचार सुरू आहेत. त्यांच्या अनेक वैद्यकीय चाचण्या करण्यात आल्या असून, त्यांचे अहवाल येणे बाकी आहे.
बॉलिवूडच्या या ‘हिरो नंबर १’ च्या प्रकृतीबद्दल चाहत्यांमध्ये आणि सिनेसृष्टीत चिंतेचे वातावरण आहे.
