जळगावात लाखोंचा गुटखा जप्त : एक अटकेत !

साक्षीदार | १३ नोव्हेबर २०२३ | राज्यात बंदी असलेला गुटखा, पानमसाला, सुगंधित तंबाखूचा नऊ लाख ९१ हजार ६०० रुपये किमतीचा साठा शुक्रवारी छापा टाकून गुरुदेवनगरातील गोदामातून पोलिसांनी जप्त केला. यासोबतच नऊ लाख रुपये किमतीची दोन वाहने व रोख २३ हजार रुपये, असा एकूण १९ लाख १४ हजार ६०० रुपयांचा मुद्देमाल जप्त करण्यात आला.

मिळालेल्या माहितीनुसार, धरणगाव तालुक्यातील आव्हाणी येथील भगवान साहेबराव पाटील (३०) याला अटक करण्यात आली असून, एकजण फरार झाला आहे. याप्रकरणी एमआयडीसी पोलिस ठाण्यात दोन जणांवर गुन्हा दाखल करण्यात आला आहे. याबाबतची माहिती विशेष पोलिस महानिरीक्षकांच्या पथकाला मिळाली होती. त्यानुसार छापा टाकला असता हा साठा आढळून आला