Shahrukh Khan साक्षीदार न्युज । देशात चायनीज मांझावर बंदी घालण्यात आली आहे . तरी देखील अनेक मार्गाने हा मांझा विकला जात आहे . आणि यावर पोलिसांकडून कारवाई देखील करण्यात येत असते .याला कारण म्हणजे या मांझामुळे अनेकांनी आपले प्राण देखील गमावलेले आहेत . यात मोठ्या प्रमाणात पक्षांनी देखील आप्रण गमावलेले आहेत .
आज अशीच एका हृदयद्रावक घटनेत, सिपाही शाहरुख खान हे त्यांच्या दुचाकीवरून जात असताना गळ्याला मांझा अडकून गंभीर जखमी झाले. ही घटना रविवारी संध्याकाळी दिल्लीतील एका व्यस्त रस्त्यावर घडली आहे ताट नेहमीच गर्दी असते . शाहरुख खान हे आपल्या ड्युटीवरून घरी परतत असताना, अचानक त्यांच्या गळ्याभोवती मांझा अडकला, आणि त्यामुळे गंभीर जखमी झाले . जखमेच्या तीव्रतेमुळे त्यांच्या गळ्यातून मोठ्या प्रमाणावर रक्तस्त्राव झाला, आणि काही क्षणांतच त्यांची दुचाकी रक्ताने माखून गेली.
घटनेचा सविस्तर माहिती
शाहरुख खान हे दिल्ली पोलिस दलात सिपाही म्हणून ड्युटीला आहेत. रविवारी ते आपल्या ड्युटीवरून घरी परतत असताना ही दुर्दैवी घटना घडली. सध्या मकर संक्रांतीचा सण सुरू असल्यामुळे अनेकजण पतंग उडवण्यासाठी मांझा वापरत आहेत. हे मांझे बर्‍याच वेळा रस्त्यावर येतात आणि वाहनचालकांसाठी धोका होत आहे हा धोका वाढतच आहे .
शाहरुख यांची दुचाकी एका पुलाखालील रस्त्यावरून जात असताना, त्यांच्या गळ्यात मांझा अडकला. मांझा इतका धारधार होता की तो गळ्यात खोलवर कापला गेला, आणि काही क्षणांतच त्यांच्या गळ्यातून रक्ताचा फव्वारा फुटला. शाहरुख यांना वेदनेमुळे दुचाकी थांबवावी लागली, आणि ते तिथेच खाली कोसळले.
उपचारासाठी तातडीने हलवले
घटनेच्या वेळी आजूबाजूच्या लोकांनी तातडीने त्यांना उचलून रुग्णालयात हलवले. डॉक्टरांनी त्यांच्यावर तातडीने उपचार सुरू केले आणि सध्या त्यांची प्रकृती स्थिर असल्याचे सांगण्यात आले आहे. डॉक्टरांच्या मते, थोडासा उशीर झाला असता, तर ही घटना जीवघेणी ठरली असती.
मांझ्यामुळे होणाऱ्या अपघातांचे वाढते प्रमाण
दिल्लीसारख्या शहरांमध्ये मकर संक्रांतीच्या सुमारास अशा प्रकारच्या अपघातांचे प्रमाण वाढते. धारदार मांझ्यामुळे फक्त पक्षीच नव्हे, तर माणसांनाही धोका निर्माण होतो. गेल्या काही वर्षांपासून सरकारने आणि विविध संस्थांनी धारदार मांझ्याच्या वापरावर बंदी घालण्याचा प्रयत्न केला आहे. मात्र, अजूनही काही ठिकाणी याचा सर्रास वापर होत असल्याचे दिसून येते.
अपघात टाळण्यासाठी उपाय
यापुढे अशा घटना टाळण्यासाठी नागरिकांनी मांझ्याच्या वापरावर विशेष खबरदारी घेतली पाहिजे. सरकारने यासंबंधी कडक नियम लागू करून धारदार मांझ्याच्या विक्रीवर पूर्णपणे बंदी घातली गेली पाहिजे अशी देखील नागरिकांकडून बोलले जात आहे .
शाहरुख खान यांच्यासोबत झालेली ही घटना अनेकांसाठी धक्का देणारी आहे आणि यामुळे नागरिकांमध्ये भीतीचे वातावरण निर्माण झाले आहे. मांझ्यामुळे होणारे अपघात रोखण्यासाठी तातडीने उपाययोजना करण्याची गरज अधोरेखित झाली आहे.
