Maharashtra Ratna Award 2025 जळगाव | साक्षीदार न्यूज | राजपूत समाजातील जळगाव जिल्ह्यातील चार मान्यवर व्यक्तींना विविध सामाजिक आणि प्रेरणादायी पुरस्कार जाहीर झाल्याने जिल्हाभरात आनंदाचे वातावरण निर्माण झाले आहे. विविध क्षेत्रांतील त्यांच्या कार्याची दखल घेत सन्मानित करण्यात आल्याने समाजातून त्यांच्यावर शुभेच्छांचा वर्षाव होत आहे.
श्री राष्ट्रीय राजपूत करणी सेना चे प्रदेश सचिव कॅप्टन राजेंद्रसिंह राजपूत यांना अरबी महिला बहुउद्देशीय संस्था, सावदा यांच्या वतीने ‘मिर्झा गालिब–२०००’ पुरस्कार जाहीर करण्यात आला आहे. त्यांच्या सामाजिक व संघटनात्मक कार्याची दखल घेत हा सन्मान देण्यात आला.
तसेच करणी सेनेच्या जळगाव जिल्हा महिला अध्यक्षा सौ. सारिकाताई राजपूत यांना अनुश्री महिला बहुउद्देशीय संस्था यांच्या वतीने ‘आदर्श नारीशक्ती महिला पुरस्कार–२०२५’ प्रदान करण्यात आला आहे. महिला सक्षमीकरण आणि समाजप्रबोधनासाठी त्यांनी केलेल्या कार्याचे विशेष कौतुक करण्यात आले.
याच संस्थेतर्फे करणी सेनेचे जळगाव जिल्हा उपाध्यक्ष श्री प्रथमेश सूर्यवंशी (धरणगाव) यांना ‘महाराष्ट्ररत्न–२०२५’ पुरस्काराने गौरविण्यात आले आहे. सामाजिक कार्यात सक्रिय सहभाग आणि युवकांसाठी केलेल्या योगदानाची दखल घेत हा सन्मान देण्यात आला.
तसेच चाळीसगाव येथील समाजसेवक श्री प्रवीण सिंग राजपूत यांनाही अनुश्री महिला बहुउद्देशीय संस्था यांच्या वतीने ‘महाराष्ट्ररत्न–२०२५’ पुरस्कार जाहीर करण्यात आला आहे. त्यांच्या सातत्यपूर्ण सामाजिक सेवेमुळे समाजात त्यांचे विशेष योगदान मानले जाते.
या चारही पुरस्कारांमुळे समस्त राजपूत समाजात आनंदाचे आणि अभिमानाचे वातावरण असून, जळगाव जिल्हा करणी सेना टीमच्या वतीने सर्व पुरस्कारार्थींना भावी वाटचालीस शुभेच्छा देण्यात आल्या आहेत. समाजातील विविध स्तरांतून त्यांच्यावर अभिनंदनाचा वर्षाव होत आहे.
