Sant Ravidas Jayanti जळगाव | साक्षीदार न्यूज | जळगाव जिल्हा चर्मकार विकास संघ यांच्या वतीने जगतगुरु संत रविदास महाराज यांची जयंती रविवार, १ फेब्रुवारी रोजी सकाळी १० वाजता भव्य स्वरूपात साजरी करण्यात येणार आहे. या पार्श्वभूमीवर संघाची सहविचार सभा सोमवार, २६ जानेवारी रोजी सकाळी १० वाजता जिल्हाध्यक्ष ॲड. अर्जुन भारुळे यांच्या कार्यालयात समाजबांधवांच्या मोठ्या उपस्थितीत पार पडली.
या बैठकीत चर्मकार समाजातील नवनिर्वाचित नगरसेवक, समाजभूषण व सुप्रसिद्ध उद्योजक अशोक खाडे यांना भारत सरकारचा पद्मश्री पुरस्कार जाहीर झाल्याबद्दल अभिनंदनाचा ठराव एकमताने मंजूर करण्यात आला. तसेच विविध सामाजिक संघटनांच्या सहभागातून संयुक्त पद्धतीने संत रविदास जयंती साजरी करण्याचा निर्णय घेण्यात आला.
जयंतीनिमित्त बाईक रॅली, संत रविदासांच्या प्रतिमेचे पूजन, प्रेरणादायी व्याख्यान आणि नवनिर्वाचित नगरसेवकांचा मान्यवर आमदार व खासदारांच्या उपस्थितीत सत्कार करण्याचे नियोजन निश्चित करण्यात आले. कार्यक्रम समाजप्रबोधन व एकतेचा संदेश देणारा ठरेल, असा विश्वास उपस्थितांनी व्यक्त केला.
या सहविचार सभेला संघाचे प्रदेश उपाध्यक्ष विश्वनाथ सावकारे, राज्य कार्यकारिणी सदस्य संजय वानखेडे, प्रदेश सहसचिव ॲड. चेतन तायडे, जिल्हाध्यक्ष डॉ. अर्जुन भारुळे, सचिव प्रा. धनराज भारुळे, उपाध्यक्ष गजानन दांडगे, महानगर अध्यक्ष कमलाकर ठोसर, तरसोद ग्रामपंचायत सरपंच संतोष सावकारे, ज्ञानदेव भारुळे, लिलाधर भारुळे, उमाकांत भारुळे, कैलास वाघ, शिवदास कळसकर, ॲड. मुकेश कुरिल, संदीप ठोसर, तसेच सुनीता डांगे, सौ. उषा दांडगे, सौ. सुशीला तायडे, सौ. रेखा सोनवणे, कमलेश वाडिया आदी पदाधिकारी व समाजबांधव उपस्थित होते
