साक्षीदार | ८ नोव्हेबर २०२३ | राज्यभरात आपल्या कीर्तनाच्या माध्यमातून प्रसिद्धीस आलेले किर्तनकार इंदुरीकर महाराज यांच्या अडचणीत मात्र आज वाढ होण्याची शक्यता आहे. कारण, अपत्य प्राप्तीबद्दल वादग्रस्त वक्तव्य केल्याप्रकरणी PCPNDT कलमांतर्गत दाखल गुन्ह्याची आज संगमनेर न्यायालयात सुनावणी होणार आहे. समन्स न मिळाल्याने मागील महिन्यातील सुनावणीसाठी इंदुरीकर महाराज गैरहजर होते.
आजच्या सुनावणीसाठी ते स्वतः हजर राहून जामीनासाठी अर्ज करणार का? हे पाहणं महत्वाचं ठरणार आहे. प्रसिद्ध किर्तनकार इंदुरीकर महाराज वादग्रस्त वक्तव्यामुळे अडचणीत सापडले आहेत. २०२० साली इंदुरीकर महाराजांनी अपत्य प्राप्तीबद्दल केलेल्या वादग्रस्त वक्तव्य केलं होतं. त्यांच्या या वक्तव्यावर चांगलीच टीका झाली होती. काहींनी यावर आक्षेप घेत गुन्हा दाखल करण्याची मागणी केली होती. यानंतर इंदुरीकरांवर गुन्हा दाखल झाला होता. दरम्यान, २०२० साली दाखल झालेल्या गुन्ह्यात जिल्हा न्यायालयाने त्यांची निर्दोष मुक्तता केली होती.
