Police Action | मिलिंद जंजाळे | राज्यात अंधश्रद्धा, फसवणूक आणि नागरिकांची आर्थिक व मानसिक लूट करणाऱ्या भोंदूबाबांविरोधात मोठी कारवाई करण्यात आली आहे. राज्यभरात आतापर्यंत 2 हजारांहून अधिक भोंदूबाबांवर विविध गुन्हे दाखल झाल्याची माहिती समोर आली असून, या घडामोडीमुळे मोठी खळबळ उडाली आहे.
अंधश्रद्धा निर्मूलन कायद्यांतर्गत तसेच फसवणूक, जादूटोणा आणि खोट्या दाव्यांच्या माध्यमातून नागरिकांची दिशाभूल करणाऱ्या व्यक्तींवर पोलिसांनी कठोर कारवाई सुरू केली आहे. तपासादरम्यान अनेक प्रकरणांमध्ये नागरिकांकडून लाखो रुपयांची उकळपट्टी केल्याचेही उघड झाले आहे.
प्रशासनाने नागरिकांना सतर्क राहण्याचे आवाहन केले असून, कोणत्याही भोंदूबाबांच्या आमिषांना बळी न पडण्याचा सल्ला दिला आहे. तसेच अशा प्रकारच्या संशयास्पद हालचालींची माहिती तात्काळ पोलिसांना देण्याचेही आवाहन करण्यात आले आहे.
दरम्यान, या कारवाईच्या पार्श्वभूमीवर जळगाव जिल्ह्यातील परिस्थिती काय आहे, तसेच स्थानिक प्रशासन कोणती भूमिका घेणार, याकडे नागरिकांचे लक्ष लागले आहे.
