साक्षीदार | २६ नोव्हेबर २०२३ | राज्यात मराठा समाजाला सरसकट आरक्षण देण्यासाठी ओबीसी समाज विरोध करीत असतांना मंत्री छगन भुजबळ देखील अनेक ठिकाणी महासभा घेत आहे हीच सभा आज हिंगोलीतील रामलिला मैदानावर ओबीसी महासभा होणार असल्याने या सभेला मराठा बांधवांचा विरोध पाहायला मिळत असून परिसरात पोलिसांचा मोठा बंदोबस्त पाहायला मिळत आहे.
याबाबत महत्वाची बातमी समोर आली असून छगन भुजबळ यांचा ताफा अडवण्याचा प्रयत्न करण्यात आला आहे. हिंगोलीकडे जाताना छगन भुजबळ यांचा ताफा अडवण्यात आला असून 3 जणांना पोलिसांनी ताब्यात घेतले आहे. नांदेडच्या आर्धापूर तालुक्यातील पिंपळगाव येथे मराठा समाजाच्या तरुणांकडून भुजबळांच्या गाड्या अडवण्याचा प्रयत्न केला. तसेच त्यांच्या ताफ्याला काळे झेंडेही दाखवले. पोलिसांनी या तरुणांना तात्काळ ताब्यात घेतले आहे. दोन दिवसांपूर्वी छगन भुजबळ यांची ही सभा उधळून लावण्याचा इशारा स्वराज्य संघटनेने दिला होता. या इशाऱ्यानंतर पोलीस प्रशासन सतर्क झाले आहे.
