Jalgaon crime | साक्षीदार न्यूज | जळगाव जिल्ह्यात खुनांची मालिका थांबण्याचे नाव घेत नाही. दोन दिवसांपूर्वी जळगाव शहरातील कासमवाडी परिसरात नाना पाटील या तरुणाचा खून झाल्यानंतर आज पुन्हा भुसावळ शहरात खुनाची रक्तरंजित घटना घडली आहे.मिळालेल्या माहितीनुसार, भुसावळ शहरातील कंडारी गावाजवळ रविवारी रात्री सुमारे १० वाजता ही घटना घडली. या वेळी दोन तरुणांमध्ये चालत्या गाडीतील वाद झाला वाद झाला आणि वादाचे रुपांतर हे खुनात झाले .
या घटनेत जितेंद्र कोळी (वय ३५, रा. जळगाव) हा तरुण गंभीर जखमी झाला.जखमी अवस्थेत जितेंद्रला तातडीने खाजगी रुग्णालयात दाखल करण्यात आले, मात्र डॉक्टरांनी त्यास दाखल केल्यावर मृत घोषित केले. या घटनेचे वृत्त समजताच पोलीस अधिकारी आणि कर्मचारी घटनास्थळी दाखल झाले. प्राथमिक तपासात मारेकरी हा जळगाव शहरातील एका राजकीय नेत्याच्या मुलगा असल्याची माहिती समोर येत आहे.दरम्यान, सलग दोन दिवसांत जळगाव व भुसावळ भागात झालेल्या खुनांच्या घटनांमुळे जिल्ह्यात प्रचंड खळबळ उडाली आहे. पोलीसांनी या प्रकरणाचा तपास सुरु केला असून आरोपीचा शोध वेगाने घेतला जात आहे.
