New Blood Group MAL | 50 वर्षांचा गूढ उलगडलं! एका महिलेच्या रक्तातील कमतरतेने सापडला नवा रक्तगट, काय आहे MAL?

तुम्ही अमेझॉनवरन काही शोधताय का ?

यावर कराल क्लिक

New Blood Group MAL साक्षीदार न्युज । 15 एप्रिल 2025 । 1972 मध्ये एका गर्भवती महिलेच्या रक्तात आढळलेली एक विचित्र कमतरता तब्बल 50 वर्षांनंतर शास्त्रज्ञांसाठी नव्या रक्तगटाचा शोध ठरली आहे. ब्रिटन आणि इस्रायलच्या संशोधकांनी 20 वर्षांच्या अथक प्रयत्नांनंतर ‘MAL’ नावाच्या नव्या रक्तगटाची ओळख पटवली आहे. हा शोध 2024 मध्ये प्रसिद्ध झाला असून, यामुळे दुर्मिळ रक्तगट असलेल्या रुग्णांवर उपचार करणे सोपे होणार आहे.

- Advertisement -

1972 मध्ये एका महिलेच्या रक्तात AnWj नावाचा अँटिजेन आढळला नव्हता, जो 99.9% लोकांच्या रक्तात असतो. या अँटिजेनचा अभाव हा वैद्यकीय क्षेत्रातील एक कोडं ठरला होता. यूके नॅशनल हेल्थ सर्व्हिसच्या रक्तविज्ञानतज्ज्ञ लुईस टिली यांनी सुमारे 20 वर्षे या विषयावर संशोधन केले. त्यांच्या नेतृत्वाखालील संशोधकांनी मायलिन आणि लिम्फोसाईट प्रथिनांवर आढळणाऱ्या या अँटिजेनमुळे नव्या रक्तगटाला ‘MAL’ असे नाव दिले.

काय आहे वैशिष्ट्य ?
MAL हे एक लहान प्रथिन आहे, जे ओळखणे अत्यंत कठीण होते. संशोधकांना असे आढळले की, ज्या व्यक्तींच्या MAL जनुकांमध्ये दोष आहे, त्यांचे रक्त AnWj-निगेटिव्ह असते. विशेष म्हणजे, नवजात बालकांमध्ये हा अँटिजेन नसतो, परंतु जन्मानंतर लवकरच तो तयार होतो. टिली यांच्या गटाने तीन अशा रुग्णांचा शोध घेतला, ज्यांचे रक्त AnWj-निगेटिव्ह होते, परंतु त्यांच्यामध्ये सामान्य जनुकीय दोष नव्हता. यावरून काही रक्तविकारांमुळेही हा अँटिजेन दडला जाऊ शकतो, असा निष्कर्ष काढण्यात आला.

- Advertisement -

काय होणार फायदा ?
या शोधामुळे आता रक्तगट चाचण्या अधिक अचूक होऊ शकतील. AnWj-निगेटिव्ह रुग्णांना रक्त चढविताना योग्य रक्ताचा वापर करून जीवघेण्या प्रतिक्रिया टाळता येतील. “हा शोध दुर्मिळ रुग्णांसाठी आशेचा किरण आहे,” असे टिली यांनी सांगितले. या शोधामुळे वैद्यकीय क्षेत्रात नवे संशोधन आणि उपचारपद्धतींना चालना मिळण्याची अपेक्षा आहे.