साक्षीदार | २३ नोव्हेबर २०२३ | जळगाव सुवर्ण नगरीचे ग्रामदैवत व वारकरी संप्रदायाची परंपरा लाभलेले श्रीराम मंदिर संस्थानतर्फे कार्तिकी प्रबोधनी एकादशीनिमित्त दि. २४ रोजी प्रभू श्रीरामाच्या जयघोषात श्रीराम रथोत्सवाचे आयोजन केले आहे. यावेळी रथाचे दर्शन घेण्यासाठी भक्तांची मोठी गर्दी रथाच्या मार्गावर राहणार आहे.
गेल्या दीडशे वर्षांपासून श्रीराम मंदिर संस्थानतर्फे श्रीराम रथोत्सवाची परंपरा सुरू आहे. श्रीराम मंदिरात पहाटे प्रभू श्रीरामांच्या उत्सव मूर्तीस महाभिषेक, सांप्रदायिक परंपरेचे भजन त्यानंतर मंदिराच्या प्रांगणात श्रीराम रथाचे महापूजन हे वंशपरंपरेनुसार विद्यमान गादीपती हभप मंगेश महाराज जोशी यांच्या हस्ते तसेच ब्रह्मवृंद मंडळी यांच्या वेदमंत्र घोषात केले जाईल. यावेळी शहरातील विविध मान्यवर उपस्थित राहणार आहे. दुपारी १२ वाजता श्रीरामांच्या जयघोषात जुने जळगावातील श्रीराम मंदिर संस्थान येथून रथ उत्सवाला प्रारंभ होणार आहे
