वर्षभराच्या चिमुरडीवर उकळती भाजी पडल्याने दुर्देवी मृत्यू !

साक्षीदार | २८ नोव्हेबर २०२३ | नाशिकरोड परिसरातील एका वर्षाच्या चिमुकलीवर अंगावर उकळती भाजी पडल्याने गंभीर भाजलेल्या चिमुरडीचा आडगाव येथील मविप्र वैद्यकीय महाविद्यालयाच्या रुग्णालयात उपचारादरम्यान दुर्देवी मृत्यू झाला आहे. याप्रकरणी आडगाव पोलीस ठाण्यात आकस्मिक मृत्यूची नोंद करण्यात आली आहे.

मिळालेल्या माहितीनुसार, नाशिकरोड परिसरात श्रीनिधी गणेश भोसले (वय १) राहत्या घरी श्रीनिधीच्या अंगावर उकळती भाजी पडल्याने ती गंभीर जखमी भाजल्याने तिला वैद्यकीय महाविद्यालयात उपचारासाठी दाखल करण्यात आले. तिथे पाच दिवस तिच्यावर उपचार करण्यात आल्यानंतर मध्यरात्री तिचा उपचारादरम्यान मृत्यू झाला.