साक्षीदार | २५ नोव्हेबर २०२३ | कर्नाटकमधील बंगळूर येथील येलहंका एयरबेसमधून त्यांनी तेजसमधून पंतप्रधान नरेंद्र मोदी यांनी आज फायटर प्लेन ‘तेजस’मधून भरारी घेतली. पंतप्रधान मोदी यांनी आज बंगळुरु येथे हिंदुस्थान एरोनॉटिक्स लिमिटेडच्या (एचएएल) दौऱ्या दरम्यान लढाऊ विमान ‘तेजस’मधून उड्डाण केले. त्याबद्दल पंतप्रधानांनी ट्विटरवर माहिती दिली आहे.
पंतप्रधान मोदी म्हणाले कि, आज मी मोठ्या अभिमानाने सांगू शकतो की आम्ही आमच्या मेहनतीने आम्ही आत्मनिर्भरतेच्या क्षेत्रात जगात कोणापेक्षाही कमी नाही. भारतीय हवाईदल, DRDO आणि HAL सह संपूर्ण देशवासियांना हार्दिक शुभेच्छा.” पंतप्रधान आज बंगळुरु दौऱ्यावर आहेत. येथे पंतप्रधान एचएएलच्या कामाची पाहाणी करणार आहेत.
तेजस जेट विमानामधील सुविधांचाही ते आढावा घेत आहेत. एचएएल दौऱ्यादरम्यान पंतप्रधान नरेंद्र मोदी यांनी एचएएलच्या निर्मिती प्रक्रियांचीही माहिती घेतली. भारतीय हवाई दलाने नुकतेच 12 आधुनिक Su-30MKI लढाऊ विमान खरेदीसाठी सरकारी कंपनी ‘एचएएल’ला एक टेंडर जारी केले होते. पंतप्रधान नरेंद्र मोदींनी तेजसमधून उड्डाण केले तेव्हा ते पूर्णपणे लढाऊ विमान वैमानिकाच्या वेशात पाहायला मिळाले. पंतप्रधान नरेंद्र मोदी सरकारने संरक्षणाची क्षमता वाढवण्यासाठी मोठ्या योजना आणल्या आहेत. त्यामध्ये स्वदेशी ही महत्त्वाची योजना आहे. तेजस विमान देखील या योजनेचा भाग आहे. या मालिकेतील पहिले विमान 2016 मध्ये भारतीय हवाई दलात सामील करण्यात आले होते.
