एमआयडीसी परिसरात सुरु होता प्रकार
Raid kuntankhana In lodging जळगाव (साक्षीदार न्युज ) : – शहरातील एका हॉटेल व लॉजिंगवर कुंटणखाना सुरु असल्याची माहिती एमआयडीसी पोलिसांना मिळाल्यावर त्याठिकाणी छापा टाकनयेत आला आणि यावेळी पाच पीडित महिलांची सुटका करण्यात आली. तर दोघांवर गुन्हा दाखल करण्यात आला आहे. याबाबत एमआयडीसी पाेलीस ठाण्यात गुन्हा नाेंद करण्यात आला आहे.
जळगाव एमआयडीसीतील जी सेक्टरमध्ये असलेले सागर हॉटेल व लॉज येथे बेकायदेशीर पध्दतीने कुंटणखाना सुरू होता. याबाबतची गोपनिय माहिती एमआयडीसी पोलीस ठाण्याचे पोलीस निरीक्षक दत्तात्रय निकम यांना मिळाली. त्यानुसार त्यांनी वरिष्ठांच्या आदेशानुसार मंगळवार दि. २७ रोजी रात्री ८ वाजता छापा टाकला. या कारवाईत पाच पीडित महिलांची सुटका करण्यात आली. तसेच या ठिकाणी वेश्याव्यवसाय चालवण्यासाठी लागणारे साहित्य पोलिसांनी जप्त केले. पो कॉ सपना येरगुंटला यांनी दिलेल्या फिर्यादीवरून हॉटेल मालक सागर नारायण सोनवणे रा. जळगाव आणि चालक सागर सुधाकर पाटील या दोघांवर एमआयडीसी पोलीस ठाण्यात गुन्हा दाखल करण्यात आला आहे.
👉 नार-पार-गिरणा नदीजोड प्रकल्पाला मिळाली मंजुरी
👉 आ. खडसेंना कार्यक्रमाचे आमंत्रण नाही
एमआयडीसी पोलीस ठाण्याचे पोलीस निरीक्षक दत्तात्रय निकम यांच्या मार्गदर्शनाखाली पोलीस उपनिरीक्षक दीपक जगदाळे, पोलीस कॉन्स्टेबल दत्तात्रय बडगुजर, पोलीस नाईक विकास सातदिवे, महिला पोलीस कॉन्स्टेबल सुनंदा तेली, पोहेकॉ मुकुंदा पाटील, रामदास कुंभार, विनोद भास्कर, भरत डोके यांच्यासह इतरांनी ही कारवाई केली. पुढील तपास पोलीस निरीक्षक दत्तात्रय निकम हे करीत आहे.
