साक्षीदार | ३० नोव्हेबर २०२३ ; उत्तर केरळपासून उत्तर मध्य महाराष्ट्रापर्यंत समुद्र सपाटीपासून 900 मीटर उंचीवर हवेचा कमी दाबाचा पट्टा तयार झाला आहे. तर महाराष्ट्राच्या किनाऱ्याजवळील ईशान्य अरबी समुद्रात समुद्र सपाटीपासून 1.5 ते 3.1 किलोमीटर उंचीवर चक्राकार वाऱ्यांची स्थिती आहे. त्यामुळे राज्यात ढगाळ हवामान असून, थंडीतही वाढ झाली आहे.
राज्यात मॉन्सूनोत्तर पावसाच्या हलक्या ते मध्यम सरी कोसळत आहे. आज नाशिक जिल्ह्यात वादळी पावसासह गारपिटीचा इशारा आहे. तर उत्तर महाराष्ट्र, विदर्भात जोरदार वारे, विजा, मेधगर्जनेसह पावसाचा इशारा (यलो अलर्ट) हवामान विभागाने दिला आहे.
आज उत्तर महाराष्ट्रातील नाशिक जिल्ह्यात तुरळक ठिकाणी जोरदार वाऱ्यासह पाऊस आणि गारपिट होण्याचा इशारा आहे. तर उत्तर महाराष्ट्रातील जळगाव, मराठवाड्यातील छत्रपती संभाजीनगर, विदर्भातील बुलढाणा, अकोला, वाशिम, अमरावती, यवतमाळ जिल्ह्यात विजांसह पावसाचा ‘यलो अलर्ट’ कायम आहे. तर उर्वरित राज्यात तुरळक ठिकाणी ढगाळ हवामान, विजांसह पावसाची शक्यता आहे. पावसाळी वातावरण, ढगाळ हवामान यामुळे कमाल तापमानात मोठी घट झाली असून, किमान तापमानात वाढ झाल्याचे दिसून येत आहे. बुधवारी सकाळपर्यंतच्या 24 तासांमध्ये सोलापूर येथे उच्चांकी 33 अंश सेल्सिअस तापमान नोंदले गेले. तर विदर्भातील महाबळेश्वर येथे राज्यातील नीचांकी 14.6 अंश सेल्सिअस किमान तापमानाची नोंद झाली.
