तहसीलदार गोविंद येरमे यांच्याकडे निवेदनाद्वारे कार्यकाळ वाढवून देण्याची मागणी.
उमरगा (साक्षीदार न्युज) ; – तालुक्यातील मुख्यमंत्री युवा कार्य प्रशिक्षणार्थी योजनेतील सहाय्यक प्रशिक्षणार्थी यांनी एकत्र येत संघटने तर्फे निवेदन देऊन कार्यकाळ वाढून भेटावा यासाठी तहसीलदार गोविंद येरमे यांच्याकडे निवेदनाद्वारे मागणी केली आहे. तहसीलदार गोविंद येरमे यांना दिलेल्या निवेदनात म्हणले आहे की, आम्ही प्रशिक्षणार्थी म्हणून काम करत आहोत. आणि आम्ही प्रशिक्षण हे पूर्ण जिद्दीने आणि चिकाटिने पूर्ण करण्याचा प्रयत्न करत आहोत. परंतु आम्ही या सहा महिन्यानंतर करणार काय ?, आम्हाला कायमस्वरूपी रोजगार मिळावा यासाठी आम्हाला आमचा कार्यकाळ वाढून देण्यात यावा. सहाय्यक प्रशिक्षणार्थी यांना रोजगार प्राप्त होईल. आम्ही ग्रामीण व शहरी भागातील प्रशिक्षणार्थी म्हणून काम करत असताना आम्ही त्या आस्थापना मधील कामाचा संपूर्ण पणे अनुभव घेत आहोत. आणि आम्ही सतत पुढे काम करत रहावे आशी आमची विनंती सरकार व प्रशासनाकडे आहे .आमचा अनुभव पूर्ण होण्यासाठी आमचा कार्यकाळ हा शासनाने व सरकारने वाढवावा अशी विनंती त्या निवेदना मध्ये केली आहे.
सर्व आस्थापना मधील सहाय्यक प्रशिक्षणार्थी यांचे विद्यावेतन देण्यात यावे, काही आस्थापना मधील प्रशिक्षणार्थी यांचे विद्यावेतन मिळाले नाही तरी प्रशासनाने लक्ष देवून महिन्या अखेर १ ते ७ तारीख मध्ये विद्यावेतन देण्यात यावे अशी मागणी यावेळी करण्यात आले.
यावेळी अध्यक्ष चेतन गायकवाड , उपाध्यक्ष नितीन जाधव, सचिव अनिकेत औरादे, संपर्क प्रमुख सुरज आबाचने, महिला आघाडीच्या अध्यक्षा सोनाली वरवठे , उपाध्यक्षा राजश्री एकेळे, सचिव अर्चना मम्माळे, आणि उमरगा तालुक्यातील प्रशिक्षणार्थी मोठ्या संख्येने उपस्थित होते.
