साक्षीदार न्युज ६ डिसेंबर २०२४ ; –जळगाव शहरातील तांबापूरा परिसरातील खदानीजवळ चॉपर घेवून दहशत माजवित फरार झालेला मोहम्मद शोएब शेख सलीम उर्फ रफत या संशयित आरोपीला एमआयडीसी पोलीसांनी सोमवारी ५ फेब्रुवारी रोजी पहाटे ५ वाजता तांबापूरा परिसरातून अटक केली आहे.
पोलीस सुत्रांकडून मिळालेली माहिती अशी की, जळगाव शहरातील तांबापूरा परिसरातील खदानीजवळ रईस शेख रशीद रा. मच्छीबाजार व मोहम्मद शोएबशेख सलीम उर्फ रफत रा. बिलाल चौक हे दोघे हातात चॉपर घेवून परिसरात दहशत माजवित असल्याचा प्रकार २५ डिसेंबर रोजी घडला होता. या प्रकरणात एमआयडीसी पोलीस दोघांना रंगेहाथ पकडण्यासाठी गेले. याठिकाणाहून रईस शेख रशिद याला चॉपरसह ताब्यात घेतले होते. मात्र त्याचा साथीदार मोहम्मद शोएब शेख हा पोलीसांना पाहून फरार झाला होता.
फरार झालेल्या मोहम्मद शेएब शेख याचा एमआयडीसी पोलिसांकडून त्याचा शोध घेतला जात होता. संशयित हा सोमवार ५ फेब्रुवारी रोजी तांबापूरा परिसरात आला असल्याची माहिती पोलीस निरीक्षक बबन आव्हाड यांना मिळाली. त्यानुसार सहाय्यक फौजदार अतुल वंजारी, पोलीस नाईक सचिन पाटील, किशोर पाटील, ललित नारखेडे यांचे पथकाने पहाटे ५ वाजेच्या सुमारास संशयित मोहम्मद शोएब शेख सलीम उर्फ रफत याला अटक केली. रफत हा रेकॉर्डवरील गुन्हेगार असून त्याविरुद्ध चार गंभीर गुन्हे दाखल असल्याचे समोर आले आहे.
