साक्षीदार | २७ ऑक्टोबर २०२३ | जळगाव शहरातील पाळधी ते खोटे नगर दरम्यान महामार्ग ओलांडत असतांना भरधाव वेगातील आयशरने दुचाकीवर जाणाऱ्या बापलेकाला उडविल्याची घटना गुरुवारी रात्री आठ वाजता द्वारकानगरजवळ घडली. या अपघातात दोन्ही बापलेक गंभीर जखमी झाले असून, त्यांच्यावर खासगी रुग्णालयात उपचार सुरू आहेत. यातील एकाची प्रकृती गंभीर आहे.
मिळालेल्या माहितीनुसार, महामार्गावरील द्वारकानगर स्टॉपजवळील साईराज रेस्टॉरंटसमोर रात्री आठ वाजेच्या सुमारास झालेल्या अपघातात दीपक गोकुळ सोनवणे व त्यांचा मुलगा लोकेश दीपक सोनवणे (वय ५, रा. बिबानगर) हे बापलेक गंभीर जखमी झाले आहेत. त्यांच्यावर खासगी रुग्णालयात उपचार सुरु आहेत. या अपघातात दुचाकीस्वार दीपक सोनवणे व त्यांच्या मुलगा लोकेश हे दोघे गंभीर जखमी झाले. महामार्गावरुन जाणाऱ्या नागरिकांनी जखमी बापलेकाला तात्काळ वाहनातून खासगी रुग्णालयात दाखल केले. त्यांच्यावर उपचार सुरु असून, एकाची प्रकृती गंभीर आहे.
