Terrorist Attack in Kashmir जम्मू-काश्मीरमधील पुंछमध्ये लष्कराच्या ताफ्यावर दहशतवादी हल्ला झाला आहे. या हल्ल्यात भारतीय हवाई दलाचे पाच जवान जखमी झाले आहेत. सध्या घटनास्थळी लष्कराची शोधमोहीम सुरू आहे.
अकाऊंटवर दिल्या निवेदनात म्हटले आहे की, “दहशतवाद्यांनी जम्मू आणि काश्मीरमधील पूंछ जिल्ह्यातील शाहसीतारजवळ भारतीय हवाई दलाच्या वाहन ताफ्यावर हल्ला केला आहे. सध्या लष्कराने परिसराला वेढा घातला असून शोध मोहीम हाती घेतली आहे. ताफ्याचा ताबा घेण्यात आला असून पुढील तपास सुरू आहे.
राष्ट्रीय रायफल्सच्या तुकडीने परिसराला वेढा घातला
वृत्तसंस्था एएनआयने सुरक्षा दलाच्या अधिकाऱ्याच्या हवाल्याने सांगितले की, जम्मू-काश्मीरमधील पूंछ जिल्ह्यात दहशतवाद्यांनी भारतीय हवाई दलाच्या वाहनांच्या ताफ्यावर हल्ला केला. स्थानिक राष्ट्रीय रायफल्स युनिटने परिसराची घेराबंदी आणि शोध मोहीम सुरू केली आहे. तसेच, वाहने हवाई तळाच्या आत शाहसितरजवळील सर्वसाधारण भागात सुरक्षित करण्यात आली आहेत. लष्कराचे जवान जखमी झाले आहेत.
जखमी सैनिकांना उधमपूरला नेण्यात आले
सुरक्षा दलाच्या अधिकाऱ्याने सांगितले की, जखमी जवानांना उपचारासाठी उधमपूर येथील कमांड हॉस्पिटलमध्ये हलवण्यात आले आहे. तसेच भारतीय लष्कराच्या जवानांनी पुंछमधील सनई भागात सुरक्षा व्यवस्था कडक केली आहे.
