Shirsala Gram Panchayat बोदवड तालुक्यातील शिरसाळा ग्रामपंचायतीचा कारभार प्रश्नचिन्ह ?
Shirsala Gram Panchayat साक्षीदार न्यूज । सुरेश कोळी । बोदवड तालुक्यातील शिरसाला गावात बऱ्याच दिवसांपासून ठिकठिकाणी पाण्याची पाईप लाईन फुटलेली आहे पण कागदोपत्री बिले टाकले जातात पण प्रत्यक्षात पाईपलाईन जोडली जात नाही . गावात अस्वच्छता असल्याने गटारी तुडुंब भरल्याने गटारीचे पाणी रस्त्यावर वाहत आहे . गावात डासांचा प्रादुर्भाव पसरवल्याने डेंगू मलेरिया साथीचे आजार उद्भवण्याची शक्यता नाकारता येत नाही . ऑक्टोंबर महिन्याची ग्रामसभा घेतली गेली नाही याकडे सरपंच ग्रामसेवक लक्ष देत नाही ग्रामसभा कागदोपत्री दाखवली जाते . याबाबत बोदवड पंचायत समितीचे गटविकास अधिकारी यांच्याकडे तोंडी लेखी तक्रार देऊ नाही कारवाई केली जात नाही. गावात बऱ्याच ठिकाणी अनधिकृत नळ कनेक्शन आहे . त्यांच्याकडून पाणीपट्टी वसूल केली जात नाही .
गावात पंधरा पंधरा दिवस पिण्याचे पाणी येत नाही जलजीवन मिशनची पिण्याच्या पाण्याची टाकी चे बांधकाम अपूर्ण आहे त्याकडे मात्र लक्ष दिले जात नाही.
तसेच ज्यांच्याकडे नळ कनेक्शन नाही त्यांच्याकडून नळ कनेक्शनची जबरीने पानपट्टी वसूल केली जाते. गावातील नळ कनेक्शन कोणाकडे आहे कोणाकडे नाही सरपंचांना माहिती नसेल तर सरपंच पद हे टमरेल तर नाही ना ? असे गावातील सुज्ञ नागरिकांकडून बोलले जात आहे .
