मोबाईल टॉवरवरील वस्तूंची चोरी; जुना खेडीरोड परिसरातील घटना

जळगांव ; – जुना खेडीरोड परिसरातील एअरटेल कंपनीचे टॉवरला लावलेले आरआरयु कार्डचे ३ नग अज्ञात चोरट्यांनी चोरून नेल्याचे घटना समोर आले. या संदर्भात शुक्रवारी शनिपेठ पोलीस ठाण्यात अज्ञात चोरट्यांवर गुन्हा दाखल करण्यात आला आहे.

जळगाव शहरातील जुना खेडीरोड मधील गीताई नगरात एअरटेल कंपनीचे टॉवर लावण्यात आलेले आहे. या टॉवरमध्ये आरआरयू कार्डचे वापर करण्यात आलेले आहे. या ठिकाणी अज्ञात चोरट्यांनी टॉवरला लावलेले आरआरयू कार्डचे तीन नग चोरून नेले. हा प्रकार बुधवारी ३ जानेवारी रात्री ८ ते गुरूवारी ४ जानेवारी सकाळी ९.३० वाजता दरम्यान घडलेला आहे. हा प्रकार उघडकीला आल्यानंतर सुरक्षा अधिकारी रवींद्र पाटील यांनी शनिपेठ पोलीस ठाण्यात धाव घेऊन तक्रार दिली. त्यानुसार शुक्रवारी ५ जानेवारी रोजी दुपारी अडीच वाजता शनिपेठ पोलीस ठाण्यात गुन्हा दाखल करण्यात आला आहे.

Mobile Tower