साक्षीदार | २९ नोव्हेबर २०२३ | राष्ट्रवादीतून अजित पवार गट बाहेर पडल्यानंतर शरद पवार गटाचे नेते आ.रोहित पवारांनी राज्यभर युवा संघर्ष संवाद यात्रेचे आयोजन करीत राज्यभर दौराच सुरु केला आहे हा दौरा आता वाशीम जिल्ह्यात असतांना रोहित पवारांनी अजित पवार गटावर जोरदार हल्लबोल केला आहे.
रोहित पवार म्हणाले कि, कितीही चर्चा झाली तरी खरी राष्ट्रवादी ही शरद पवार साहेबांकडेच राहणार. जे लोक स्वार्थासाठी व स्वतःच्या हितासाठी सत्तेत जावून बसले आहेत. त्यांची भाषा बदलेली आहे. ती कशी बदलली हे आपण सर्वांनी बघितलं आहे. त्यामुळं येत्या काळात त्यांच्याकडे पक्ष नसणार; असे मत देखील त्यांनी व्यक्त केले आहे.
बीडमध्ये जी जाळपोड झाली त्याच्या मागे एका शक्तिशाली व्यक्तीचा हात होता. सत्तेत असलेल्या व्यक्तीचा हात होता. सात तास जाळपोळ सुरू होती, तेव्हा पोलीस शांत बसले होते. पोलीस केव्हा शांत बसतात जेव्हा सत्तेतला व्यक्ती आदेश करतो तेव्हा ते शांत बसतात. अशा प्रकारे तिथे जाळपोळ करत मराठा ओबीसी समाजामध्ये गढून करण्याचा प्रयत्न झाला.
