Jalgaon fire | साक्षीदार न्यूज | जळगाव: शहरातील शनिपेठ परिसरातील कांचननगर भागात रविवारी रात्री सुमारे १० वाजण्याच्या सुमारास पूर्ववैमनस्यातून झालेल्या गोळीबाराच्या घटनेने खळबळ उडाली आहे. या घटनेत तीन युवक जखमी झाले असून, त्यांना तातडीने जिल्हा शासकीय रुग्णालय व वैद्यकीय महाविद्यालयात उपचारासाठी दाखल करण्यात आले आहे.
काय घडलं ?
प्राप्त माहितीनुसार, कांचननगर भागात दोन युवकांमध्ये किरकोळ कारणावरून वाद सुरू झाला. या वादाचे स्वरूप वाढत गेले आणि अखेरीस त्याचे रूपांतर गोळीबारात झाले. या गोळीबारात खालील तीन युवक जखमी झाले:
- आकाश टपऱ्या
- गणेश सोनवणे
- तुषार उर्फ साबू
गोळीबाराची घटना घडताच घटनास्थळी नागरिकांची मोठी गर्दी जमली होती.
पोलिसांचा तपास सुरू
घटनेची माहिती मिळताच शनिपेठ पोलीस तात्काळ घटनास्थळी दाखल झाले आणि त्यांनी परिस्थिती नियंत्रणात आणली. प्राथमिक चौकशीमध्ये गोळीबार करणाऱ्या दोन जणांची नावे समोर येत आहेत, मात्र पोलिसांनी अद्याप अधिकृत माहिती जाहीर केलेली नाही.
