सासऱ्याने केला जावयावर कुऱ्हाडीने वार !

साक्षीदार | २४ ऑक्टोबर २०२३ | पारोळा तालुक्यातील एका गावात सासरी मुलाला भेटण्यासाठी आलेल्या योगेश शांतीलाल पाटील (33, रा. पारोळा) यांच्या डोक्यात सासऱ्याने कुऱ्हाडीसारख्या वस्तूने वार केला. शालक व मामे सासऱ्याने मारहाण केली. ही घटना शनिवार, २१ ऑक्टोबर रोजी रात्री कुसुंबा येथे घडली. एमआयडीसी पोलिसात तीन जणांविरोधात गुन्हा दाखल करण्यात आला आहे.

मिळालेल्या माहितीनुसार, योगेश पाटील व त्यांच्या पत्नीमध्ये कौटुंबिक वाद आहे. त्यांची पत्नी मुलासह कुसुंबा येथे माहेरी निघून आली आहे. शनिवार, २१ ऑक्टोबर रोजी रात्री योगेश पाटील हे मित्रासोबत मुलाला भेटण्यासाठी कुसुंबा येथे आले होते. पती-पत्नीतील वादामुळे योगेश पाटील यांचे सासरे विकास नथ्थू चोपडे यांनी पाठीमागून योगेश पाटील यांच्या डोक्यात कुन्हाडी सारख्या वस्तूने वार केला.