साक्षीदार | २३ नोव्हेबर २०२३ | राज्यातील अनेक जिल्ह्यात चोरी दरोड्याच्या घटना घडत असतांना आता दिवसाढवळ्या दोन महिलांनी एका वृद्ध व्यक्तीजवळील पिशवीतून ४० हजारांची रोकड लंपास केल्याची घटना बुलडाण्यातील नांदुरा येथील स्टेट बँकेच्या शाखेत चोरीचा प्रकार उघड झालाय. या महिलांचा शोध पोलीस घेत आहेत.
मिळालेल्या माहितीनुसार, बुलडाण्यातील नांदुरा येथील स्टेट बँकेच्या शाखेत दामोदर आगरकर हे बँकेत ४० हजार रुपये जमा करण्यासाठी आली होती. यावेळी दोन महिला त्यांच्या मागे उभ्या राहिल्या आणि काही क्षणांतच त्यांनी त्या वृद्धाजवळील पिशवीत असलेले ४० हजार रुपये लांबवले. काही वेळात आपल्या पिशवीतील पैसे चोरीला गेल्याचे त्यांच्या लक्षात आले.
त्यानंतर त्यांनी तात्काळ नांदुरा पोलिसांत धाव घेत तक्रार दाखल केली. नांदुरा पोलिसांनी दामोदर यांच्या तक्रारीनंतर या घटनेची तात्काळ दखल घेत नांदुरा स्टेट बँकेतील सीसीटीव्ही फुटेज तपासले. दोन महिलांनी हे पैसे चोरल्याचे दिसून आले. त्यावरून पोलिसांनी महिलांविरुद्ध गुन्हे दाखल केले असून, सीसीटीव्हीच्या आधारे शोध सुरू केला आहे
