दुर्देवी घटना : विषारी औषध सेवन दिवाळीच्या दिवशी मृत्यू !

साक्षीदार | १३ नोव्हेबर २०२३ | जळगाव शहरातील एका परिसरातील ५७ वर्षीय व्यक्तीने दिवाळीच्या एक दिवसापूर्वी विषारी औषध प्राशन केल्याने त्यांचा दिवाळीच्या दिवशी दुर्देवी मृत्यू झाल्याची घटना घडली आहे. याप्रकरणी एमआयडीसी पोलिस ठाण्यात अकस्मात मृत्यूची नोंद केली आहे.

मिळालेल्या माहितीनुसार, शहरातील अयोध्यानगर परिसरातील कृष्णा निवृत्ती शिंपी (५७) हे बांधकाम व्यावसाय करून आपल्या परिवाराचा उदरनिर्वाह करीत होते. दि.११ नोव्हेंबर रोजी सायंकाळी ७ वाजेच्या सुमारास राहत्या घरात विषारी औषध सेवन केले. कृष्णा शिंपी यांनी त्यांच्यावर उपचार सुरू असताना रविवार, १२ रोजी सकाळी १० वाजता मृत्यू झाला. मयताच्या पश्चात आई, पत्नी, मुलगी, मुलगा असा परिवार आहे. विषारी औषध घेण्याचे कारण समजू शकले नाही.