साक्षीदार | २१ ऑक्टोबर २०२३ | अनेक प्रवासी रेल्वेने प्रवास करण्यासाठी प्राधान्य देत असतात. पण सणासुदीच्या काळात रेल्वेत होणारी गर्दी लक्षात घेता रेल्वे प्रशासनाने ग्राहकांसाठी आता अमरावती- पुणे, बडनेरा- नाशिकदरम्यान उत्सव विशेष ट्रेन चालविण्याचा निर्णय घेतला आहे. या ट्रेन ५ नोव्हेंबरपासून सुरू होतील.
अमरावती- पुणे विशेष (४ अप आणि ४ डाउन एकूण ८ सेवा) गाडी क्रमांक ०१२०९ विशेष अमरावती येथून ५ ते १९ नोव्हेबरपर्यंत दर रविवारी, बुधवारी १२.४० ला सुटेल. पुणे येथे दुसऱ्या दिवशी पावणेतीनला पोचेल. गाडी क्रमांक ०१२१० विशेष पुणे येथून ६ ते २० नोव्हेबरपर्यंत दर गुरुवार, सोमवारी साडेसहाला सुटेल. अमरावती येथे त्याच दिवशी रात्री आठला पोचेल.
थांबे : अमरावती, बडनेरा, अकोला, मलकापूर, भुसावळ, जळगाव, मनमाड, कोपरगाव, अहमदनगर, दौंड कॉर्डलाइन, उरुळी, हडपसर, पुणे.
बडनेरा ते नाशिक विशेष (१४ अप आणि १४ डाउन एकूण २८ सेवा) गाडी क्रमांक ०१२११ विशेष बडनेरा येथून ६ ते १९ नोव्हेंबरपर्यंत दररोज ११ ला सुटेल. नाशिक येथे त्याच दिवशी सायंकाळी पावणेआठला पोचेल. गाडी क्रमांक ०१२१२ विशेष नाशिक येथून ६ ते ११ नोव्हेंबरदरम्यान दररोज रात्री सव्वानऊला सुटेल. बडनेरा येथे दुसऱ्या दिवशी साडेचारला पोहोचेल. या गाडीला बडनेरा, मूर्तिजापूर, अकोला, शेगाव, नांदुरा, मलकापूर, भुसावळ, जळगाव, पाचोरा, चाळीसगाव, नांदगाव, मनमाड, लासलगाव, निफाड, नाशिक असे थांबे असतील.
