साक्षीदार | २७ ऑक्टोबर २०२३ | ४२ वर्षीय महिला सायंकाळच्या सुमारास घरात चहा बनवीत असतांना घराबाहेर दोन संशयित आरोपी दारूच्या नशेत येवून जुन्या कारणाने महिलेला शिवीगाळ करीत लहान मुलांना मारहाण करीत विनयभंग केल्याची धक्कादायक घटना यावल तालुक्यातील कोळन्हावी या गावात घडली आहे. या प्रकरणी यावल पोलिसात दोन संशयित आरोपी विरोधात गुन्हा दाखल करण्यात आला आहे.
मिळालेल्या माहितीनुसार, यावल तालुक्यातील कोळन्हावी या गावात ४२ वर्षीय महिला शेती करून आपल्या परिवारासह वास्तव्यास आहे. दि.२५ ऑक्टोबर रोजी सायंकाळी ५ वाजेच्या सुमारास गावातील दोन संशयित आरोपी दारूच्या नशेत येवून जुन्या भांडणाच्या कारणावरून महिलेच्या घराबाहेर अश्लील शिवीगाळ तसेच त्यांच्या दोन मुलांना मारहाण करीत जीवे ठार मारण्याची धमकी देत विनयभंग केल्याची घटना घडली आहे. याप्रकरणी महिलेने पोलिसात धाव घेत दोन संशयित आरोपी विरोधात गुन्हा दाखल करण्यात आला आहे. पुढील तपास सफौ.असलम खान हे करीत आहेत.
