Student Awarenessv यावल | मिलिंद जंजाळे | येथील जळगाव जिल्हा मराठा विद्या प्रसारक सहकारी समाजाच्या कला, वाणिज्य व विज्ञान महाविद्यालयामार्फत व्यसनमुक्तीबाबत जनजागृती करण्यासाठी बोरावल खुर्द येथे विद्यार्थ्यांच्या सहभागातून भव्य जनजागृती रॅली काढण्यात आली.
प्रभारी प्राचार्य डॉ. संध्या सोनवणे यांच्या मार्गदर्शनाखाली आयोजित या उपक्रमात “विकसित भारत का मंत्र, भारत हो नसे से स्वतंत्र” या थीम अंतर्गत रॅली घेण्यात आली.
ग्रामीण भागात वाढत चाललेल्या व्यसनाधीनतेच्या पार्श्वभूमीवर या रॅलीचे आयोजन करण्यात आले. तंबाखूजन्य व अमली पदार्थांच्या सेवनामुळे आरोग्यावर होणारे दुष्परिणाम, तसेच त्याचा कुटुंब व समाजावर होणारा परिणाम याबाबत नागरिकांमध्ये जागरूकता निर्माण करण्याचा संदेश या माध्यमातून देण्यात आला.
सदर रॅली गावातील मुख्य गल्ली, विठ्ठल मंदिर मार्गे जिल्हा परिषद शाळेपर्यंत काढण्यात आली. विविध घोषणांनी परिसर दणाणून गेला. रॅलीचा समारोप जिल्हा परिषद शाळा येथे करण्यात आला.
यावेळी बोरावल गावातील आदिवासी वस्ती पाड्यावर विद्यार्थ्यांच्या माध्यमातून जनजागृती व समुपदेशन करण्यात आले. या उपक्रमाला नागरिकांचा उत्स्फूर्त प्रतिसाद लाभला.
रॅलीचे यशस्वी आयोजन करण्यासाठी कार्यक्रम समन्वयक डॉ. आर. डी. पवार, प्रा. आर. एस. सिरसाठ, प्रा. पी. व्ही. मोरे, भैरवी चौधरी, तृप्ती पाटील, अक्षय पाटील, शुभांगी अडकमोल आदींनी विशेष परिश्रम घेतले.
