Maharana Pratapsinh Jalgaon | साक्षीदार न्यूज | जळगाव येथे २८ फेब्रुवारी रोजी महाराणा प्रतापसिह यांच्या राज्याभिषेक दिनानिमित्त दुग्धाभिषेक सोहळ्याचे आयोजन करण्यात आले आहे. श्री राष्ट्रीय राजपूत करणी सेना यांच्या वतीने हा कार्यक्रम महाराणा प्रताप स्मारक, जळगाव येथे सकाळी ठीक १०.०० वाजता पार पडणार आहे.
राज्याभिषेक दिनानिमित्त महाराणा प्रतापसिह यांच्या पुतळ्याला दुग्धाभिषेक करून अभिवादन करण्यात येणार आहे. कार्यक्रमास श्री राष्ट्रीय राजपूत करणी सेनेचे खान्देश विभागीय, जिल्हास्तरीय व तालुकास्तरीय पदाधिकारी उपस्थित राहणार असून सर्व पदाधिकाऱ्यांनी उपस्थिती अनिवार्य असल्याचे आयोजकांनी नमूद केले आहे.
तसेच सर्व महाराणा प्रताप प्रेमींनी सहपरिवार उपस्थित राहावे, असे आवाहन करण्यात आले आहे. कार्यक्रम वेळेवर सुरू होणार असल्याचेही आयोजकांनी स्पष्ट केले आहे.
या सोहळ्याचे आयोजन श्री राष्ट्रीय राजपूत करणी सेना जळगाव जिल्हा टीम, श्री राष्ट्रीय राजपूत करणी सेना खान्देश विभाग टीम आणि श्री राष्ट्रीय राजपूत करणी सेना महिला टीम यांच्या संयुक्त विद्यमाने करण्यात आले आहे.
